Molakaffi: Andrea, Elías, Daníel, Aron, Harpa Rut, Örn, Jauković

Andrea Jacobsen handknattleikskona hjá Kristianstad í Svíþjóð. Mynd/Kristianstad Handboll
  • Andrea Jacobsen, landsliðskona í handknattleik, skoraði eitt mark í fimm skotum þegar lið hennar Kristianstad HK tapaði naumlega fyrir Kärra HF á heimavelli í fyrstu umferð sænsku úrvalsdeildinnar í gær, 27:26. 
  • Fredrikstad Bkl, liðið sem Elías Már Halldórsson þjálfar, tapaði í gær fyrir Sola, 35:26, á útivelli í norsku úrvalsdeildinni í handknattleik. Fredrikstad Bkl er í 10. sæti deildarinnar af 14 liðum með tvö stig eftir fjórar umferðir. 
  • Daníel Freyr Andrésson varði 8 skot, 26% markvarsla, þegar lið hans Guif vann Hammarby, 28:27, í sænsku úrvalsdeildinni í handknattleik. Aron Dagur Pálsson var í leikmannahópi Guif en kom lítið við sögu í leiknum. 
  • Harpa Rut Jónsdóttir og samherjar hennar í meistaraliðinu Sviss, LK Zug, unnu Rotweiss Thun, 28:23, á útivelli. Harpa Rut skoraði ekki mark í leiknum. LK Zug er með fjögur stig eftir þrjár umferðir. 
  • Örn Vésteinsson Östenberg skoraði eitt mark er Nötteröy vann Halden, 33:30, í norsku úrvalsdeildinni. 
  • Djurdjina Jauković, landsliðskona Svartfjallalands og leikmaður Brest í Frakklandi sleit krossband í nýliðinni viku og verður frá keppni næsta árið.
- Auglýsing -

Nýjustu fréttir

- Auglýsing -