Molakaffi: Andrea, Grétar Ari, Sveinn, Müller tekur fram skóna

Andrea Jacobsen handknattleikskona hjá Kristianstad í Svíþjóð. Mynd/Kristianstad Handboll
  • Andrea Jacobsen og samherjar hennar í Kristianstad eru komnar áfram í 3. umferð Evrópubikarkeppni kvenna eftir sigur á ZRK Mlinotest Ajdovscina, 20:19, í seinni leik liðanna í Slóveníu í gær. Jafntefli varð í fyrri leiknum á fimmtudaginn, 26:26. Andrea skoraði fjögur mörk í leiknum í gær og varð næst markahæst.
  • Grétar Ari Guðjónsson varði átta skot, þar af tvö vítaköst, þegar lið hans Nice náði jafntefli við Ponault, 26:26, í frönsku 2. deildinni í gærkvöld. Nice situr í 7. sæti deildarinnar með sex stig að loknum sex umferðum. Pontault er í sætinu fyrir ofan með átta stig.

  • Línumaðurinn Sveinn Jóhannsson skoraði fimm mörk í átta tilraunum og lét einnig til sín taka í vörninni þegar lið hans SönderjyksE tapaði fyrir Ribe-Esbjerg, 32:24, í dönsku úrvalsdeildinni í gær. Leikið var í Esbjerg. SönderjyskE hefur ekki farið sem best af stað í deildinni. Liðið situr í 11. sæti með sex stig að loknum átta leikjum.
  • Þýski handknattleiksmaðurinn Michael Müller, sem lagði skóna á hilluna vorið 2020, hefur dregið þá fram aftur og hefur æft með Flensburg síðustu vikur. Félagið skortir sárlega örvhenta leikmenn meðan Frank Semper og Magnus Röd eru frá keppni vegna meiðsla. Frekari liðsstyrkur mun vera á leiðinni til Flensburg eftir því sem næst verður komist.
- Auglýsing -

Nýjustu fréttir

- Auglýsing -