- Auglýsing -
- Arnar Birkir Hálfdánsson skoraði eitt mark er lið hans, EHV Aue, vann TV Emdetten, 26:24, á útivelli í gærkvöldi í þýsku 2. deildinni í handknattleik en leikið var á heimavelli Emsdetten. Arnar Birkir átti fjórar stoðsendingar. Sveinbjörn Pétursson var ekki í leikmannahópi Aue að þessu sinni. Anton Rúnarsson skoraði eitt mark og átti þrjár stoðsendingar fyrir lið Emsdetten sem er í 13. sæti af 20 liðum deildarinnar. EHV Aue er í 18. sæti.
- Hannes Jón Jónsson og lærisveinar hans í austurríska meistaraliðinu Alpla Hard hafa þriggja stiga forskot í efsta sæti deildarinnar eftir sjö marka sigur á neðsta liði deildarinnar, Barnbach, 31:24, á útivelli. Alpla hefur þriggja stiga forskot á grannliðið Bregenz sem er í öðru sæti með 22 stig. Krems er í þriðja sæti með 22 stig einnig. Þar á eftir eru Aron Fivers og West Wien með 21 stig hvort.
- Vid Poteko, línumaður Celje Lasko og landsliðsmaður Slóvena, gengur til liðs við Göppingen á næsta sumri. Poteko hefur skrifað undir tveggja ára samning við þýska handknattleiksliðið Göppingen.
- Auglýsing -
