Molakaffi: Arnór Þór, Viggó, Donni, ÍBV, Aðalsteinn, Aron

Arnór Þór Gunnarsson leikmaður Bergsicher HC. Mynd/Bergischer HC
  • Arnór Þór Gunnarsson og samherjar í Bergischer HC unnu GWD Minden í þýsku 1. deildinni í gærkvöld, 25:24, á heimavelli. Arnór Þór skoraði eitt mark í leiknum. Bergischer er í 11. sæti af 20 liðum með 31 stig þegar liðið átta leiki eftir óleikna.
  • Viggó Kristjánsson skoraði þrjú mörk, þar af tvö úr vítaköstum þegar Stuttgart tapaði fyrir Coburg, 28:26, í þýsku 1. deildinni í gærkvöld. Stuttgart er í 14. sæti með 26 stig eftir 31 leik.
  • Kristján Örn Kristjánsson, Donni, skoraði eitt af mörkum PAUC-Aix í gær þegar liðið vann Istres, 34:30, í frönsku 1. deildinni í gærkvöld. PAUC er í fjórða sæti deildarinnar með 34 stig eftir 26 leiki en mjög þétt hefur verið leik í Frakklandi og eins og í Þýskalandi síðustu vikur.
  • Allir leikmenn kvennaliðs ÍBV í knattspyrnu mætti á áhorfendapallana í íþróttahúsinu í Vestmannaeyjum í gærkvöld og studdu hressilega á bak við kvennaliði ÍBV í handknattleik í öðrum undanúrslitaleiknum við KA/Þór í Olísdeild kvenna.
  • Aðalsteinn Eyjólfsson og lærisveinar hans í Kadetten Schaffhausen fór vel af stað í undanúrslitum um svissneska meistaratitilinn í handknattleik í gærkvöld. Þeir unnu HC Kriens á heimavelli, 25:22. Næsti leikur verður á heimavelli Kriens á laugardaginn. Í hinni viðureign undanúrslita vann Pfadi Winterthur liðsmen Suhr Aarau, 32:27.
  • Barcelona með Aron Pálmarsson innanborðs vann sinn 33. leik í spænsku 1. deildinni í gærkvöld þegar liðið lagði Granolles, 39:23. Bilun hefur orðið í tölvukerfi deildarkeppninnar á Spáni og staðan í leiknum ekki verið uppfærð frá því snemma í viðureigninni þegar staðan var 1:1. Barcelona hefur fyrir löngu unnið deildina enn eitt árið.
a>
- Auglýsing -

Nýjustu fréttir

- Auglýsing -