Molakaffi: Arnór Þór, Ýmir Örn, Andri Már, Elvar, Ólafur, Aðalsteinn

Arnór Þór Gunnarsson leikmaður Bergsicher HC. Mynd/Bergischer HC
  • Arnór Þór Gunnarsson skoraði fjögur mörk úr jafnmörgum tilraunum er Bergischer HC og Rhein-Neckar Löwen skildu jöfn, 25:25, í þýsku 1. deildinni í handknattleik í gær. Ýmir Örn Gíslason var allt í öllu í vörn Rhein-Neckar í leiknum og var m.a. einu sinn vísað af leikvelli. Bergischer er í sjötta sæti með sjö stig þegar sex leikir eru að baki. Rhein-Neckar hefur hinsvegar farið illa af stað er í 13. sæti með fimm stig.
  • Füchse Berlin hefur leikið 16 leiki í röð í þýsku 1. deildinni án taps eftir jafntefli við meistaraliði THW Kiel í gær, 28:28, í Berlin. Liðin tvö eru í öðru og þriðja sæti deildarinnar með 11 stig hvort eftir sex umferðir. Magdeburg er efst með 12 stig.
  • Eftir tap í bikarkeppninni í vikunni þá risu leikmenn Flensburg upp á afturlappirnar í gær og unnu nýliða HSV Hamburg örugglega, 33:27, í Hamborg.
  • Andri Már Rúnarsson skoraði þrjú mörk í fimm skotum er lið hans Stuttgart tapaði á útivelli fyrir Leipzig, 33:24, í þýsku 1. deildinni í gær. Stuttgart er í 17. og næst neðsta sæti með tvö stig en fallbarátta virðist bíða liðsins á keppnistímabilinu.
  • Elvar Ásgeirsson var markahæstur hjá Nancy með sex mörk í níu skotum þegar lið hans tapaði fyrir Créteil, 39:32, á útivelli í frönsku 1. deildinni í handknattleik. Nýliðar Nancy eru með tvö stig eftir fimm viðureignir og eiga á brattan að sækja.
  • Ólafur Andrés Guðmundsson kom lítið við sögu hjá Montpellier þegar liðið tapaði óvænt fyrir Cesson Rennes, 25:21, á útivelli í frönsku 1. deildinni í handknattleik í gær. Ólafur átti eitt markskot sem geigaði en hann er að jafna sig af tognun í læri á dögunum sem hélt honum frá þátttöku í nokkrum leikjum. Montpellier hefur ekki farið vel af stað í frönsku 1. deildinni það sem af er leiktíðar og er í 10. sæti af 16 liðum deildarinnar með fimm stig eftir fimm leiki.
  • Kadetten, liðið sem Aðalsteinn Eyjólfsson þjálfar, vann í gær sjöunda leikinn í svissnesku 1. deildinni í handknattleik er það lagði Suhr Aarau, 28:23, á heimavelli. Kadetten er með trausta stöðu í efsta sæti, 14 stig. Næstu lið eru fjórum stigum á eftir.
- Auglýsing -

Nýjustu fréttir

- Auglýsing -