Molakaffi: Aron, Andrea, Axel, Davíð, Stefán, Roberts, Hald

Aron Kristjánsson landsliðsþjálfari Barein. Mynd/EPA
  • Landslið Barein, undir stjórn Arons Kristjánssonar, hlaut silfurverðlaun á Asíumótinu í handknattleik karla Sádi Arabíu í gær. Barein tapaði fyrir Katar, 29:24, í úrslitaleik. Sádi Arabar unnu Írana, 26:23, í leiknum um þriðja sætið. Landsliðin fjögur taka þátt í heimsmeistaramótinu sem fram fer í Póllandi og Svíþjóð á næsta ári. Suður Kórea verður fimmta þátttökuliðið frá Asíu á HM. Suður Kórea vann Kasakstan, 26:24, í leiknum um fimmta og síðasta farseðilinn.
  • Andrea Jacobsen skoraði tvö mörk í fjórum tilraunum þegar lið hennar tapaði fyrir Skuru IK í sænsku úrvalsdeildinni í handknattleik í gærkvöld.
  • Norska kvennaliðið Storhamar sem Axel Stefánsson þjálfar tapaði fyrir Herning-Ikast í Evrópudeildinni í handknattleik í gær, 35:27. Leikið var á heimavelli Storhamar sem er með tvö stig að loknum þremur leikjum í C-riðli keppninnar. Herning-Ikast er efst með sex stig.
  • Davíð Hlíðdal Svansson fékk í gær félagaskipti úr KA yfir í raðir uppeldisfélags síns, Aftureldingar. Þetta kemur fram á félagaskiptasíðu HSÍ. Þar kemur ennfremur fram að Stefán Karl Arnarsson hafi ákveðið að flytjast úr herbúðum Hauka yfir til Berserkja í Grill66-deildinni.
  • Sænska landsliðskonan Jamina Roberts hefur samið við Evrópumeistara Vipers Kristiansand frá og með næsta keppnistímabili. Roberts er um þessar mundir helsta tromp sænska liðsins Sävehof.
  • Fullyrt var í gær í Nordjyske í gær að danski línumaðurinn Simon Hald gangi til liðs við Danmerkurmeistara Aalborg sumarið 2023 þegar samningur hans við Flensburg rennur út. Hald lék um árabil með Álaborgarliðinu en réri á önnur mið sumarið 2018. Hermt er að Hald hafi í hyggju að skrifa undir fimm ára samning við Aalborg Håndbold en með liðinu leikur m.a. Aron Pálmarsson og Arnór Atlason er aðstoðarþjálfari liðsins sem lék m.a. til úrslita í Meistaradeild Evrópu á síðasta vori.
- Auglýsing -

Nýjustu fréttir

- Auglýsing -