Molakaffi: Ásdís Þóra, Lilja, Elías Már, Tjörvi Týr, Stefán Orri

Systurnar LIlja og Ásdís Þóra Ágústsdætur. Mynd/Guðmundur Svansson
  • Lugi frá Lundi, sem systurnar Ásdís Þóra og Lilja Ágústsdætur leika með féll í gær úr leik í undanúrslitum sænsku úrvalsdeildarinnar í handknattleik er liðið tapaði í þriðja sinn fyrir Sävehof, 32:24, að þessu sinni. Lilja átti þrjú markskot sem geiguðu en Ásdís Þóra lék lítið með enda að komast á skrið eftir krossbandaslit fyrir rúmum 13 mánuðum.
  • Ekki er ljóst hvort Sävehof leikur við ríkjandi meistara, Skuru, eða H65 Höör í úrslitum þar sem rimma liðanna hefur ekki verið leidd til lykta. Skuru vann á heimavelli í gær, 29:23, og hefur þar með tvo vinninga gegn einum Höör-ara.
  • Fredrikstad bkl., sem Elías Már Halldórssson þjálfar, er úr leik í átta liða úrslitum norsku úrvalsdeildarinnar. Fredrikstad-liðið tapaði öðru sinni fyrir Evrópumeisturum Vipers Kristiansand, 40:29, á heimavelli í gærkvöld.
  • Tjörvi Týr Gíslason leikmaður Vals var ekki úrskurðaður í leikbann á fundi aganefndar HSÍ í gær en hann fékk rautt spjald í fyrsta undanúrslitaleik Vals og Selfoss í fyrrakvöld. Brot Tjörva Týs féll undir reglu 8:5 b). „Með tilvísun í 10. grein reglugerðar HSÍ um agamál er það niðurstaða aganefndar að ekki skuli aðhafst frekar vegna málsins en vakin er þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar,“ segir í úrskurði aganefndar.
  • Handknattleiksmaðurinn ungi, Stefán Orri Arnalds, hefur skrifað undir þriggja ára samning við Fram. Stefán Orri, sem er örvhentur hornamaður, spilað vel úr sínum tækifærum með Framliðinu á keppnistímabilinu eftir að hafa verið áberandi með ungmennaliði Fram á síðasta tímabili. Alls lék hann 18 leiki í Olísdeildinni á keppnistímabilinu og skoraði 27 mörk.
- Auglýsing -

Nýjustu fréttir

- Auglýsing -