Molakaffi: Bitter með, Frafjord framlengir, fleiri smit og ökklameiðsli

Hinn þrautreyndi þýski landsliðsmarkvörður Johannes Bitter. Mynd/EPA
  • Johannes Bitter lék á ný með Stuttgart í þýsku 1. deildinni í handknattleik í gærkvöld þegar liðið vann Nordhorn með 12 marka mun, 36:24, á heimavelli. Bitter hefur verið frá keppni í hálfan mánuð eftir að hafa smitast af kórónuveirunni þegar þýska landsliðið tók þátt í undankeppni EM 2022 fyrr í þessum mánuði. 
  • Norska handknattleikskonan Marit Malm Frafjord hefur skrifað undir nýjan tveggja ára samning við danska meistaraliðið Team Esbjerg. Nýi samningurinn gildir fram á mitt ár 2022. Frafjord er orðinn 35 ára gömul. Hún kom til Esbjerg í desember 2018 eftir að hafa rift samningi sínum við CSM Bucaresti sumarið áður og ætlað sér að hætta í handknattleik. Frafjord skipti um skoðun og segist nú njóta þess að leika handknattleik og ekki staðist freistinguna að vera áfram hjá Esbjerg úr því að henni hafi staðið það til boða. 

  • Nicolai Pugholm, handknattleiksmaður hjá Lemvig er annar leikmaður liðsins sem greinist með kórónuveiruna í framhaldi af viðureign liðsins við GOG á dögunum. Alls hafa sex leikmenn GOG greinst smitaðir, þar af fjórir eftir leikinn við Lemvig. Pugholm greindist í gærmorgun en félagi hans í fyrradag eins og handbolti.is sagði frá. Þykja smitin innan Lemvig-liðsins renna stoðum undir að ekki sé með öllu öruggt að smit berist ekki milli manna í kappleikjum. Leikmenn Lemvig er nú komnir í sjálfskipaða sóttkví. 
  • Mia Zschocke, samherji Hildigunnar Einarsdóttur hjá þýska liðinu Bayer Leverkusen hefur orðið að draga sig út úr þýska landsliðinu sem tekur þátt í Evrópumótinu í Danmörku í næsta mánuði. Zschocke meiddist á ökkla í gær. Annika Lott leikmaður Buxtehuder SV hefur verið kölluð inn í hópinn í staðinn.  Þjóðverjar verða í riðli með Norðmönnum, Rúmenum og Pólverjum á EM. Fyrsti leikurinn verður gegn Rúmeníu í Kolding 3. desember. 
- Auglýsing -

Nýjustu fréttir

- Auglýsing -