Molakaffi: Bjarki, Gunnar Óli, Þórir, þakleki, Horzen

Mynd/Egill Bjarni Friðjónsson
  • Handknattleiksdómararnir Bjarki Bóasson og Gunnar Óli Gústafsson hafa verið valdir til þess að dæma í B-deild Evrópumóts landsliða kvenna, skipað leikmönnum 17 ára og yngri, sem fram fer í Litáen í ágúst. Íslenska landsliðið tekur þátt í mótinu. 
  • Þórir Hergeirsson stýrði norska landsliðinu til sigurs á sænska landsliðinu í æfingaleik í handknattleik í Tókýó í gær, 32:25. Þetta var síðasti leikur beggja liða áður en handknattleikskeppni kvenna hefst á Ólympíuleikunum á sunnudaginn. Norska landsliðið leikur við Suður Kóreu í fyrstu umferð í A-riðli en sænska landsliðið mætir spænska landsliðinu í B-riðli.
  • Karlalandslið Noregs og Svíþjóðar skildu jöfn, 26:26, í vináttuleik í Tókýó í gær. Viðureigninni var hætt eftir 52 mínútur vegna þess að þak íþróttahússins sem leikið var í hélt ekki vatni og bleytupollar voru á gólfinu af  þeim sökum. Glenn Solberg landsliðsþjálfari Svía sagði að ekki hafi verið ástæða til þess leika í fullar 60 mínútur og eiga á hættu að leikmenn rynnu til á blautu gólfinu.  
  • Rhein-Neckar Löwen hefur samið við slóvenska línumanninn Kristjan Horzen. Gert er ráð fyrir að hann komi til þýska liðsins að ári liðinu en þó er ekki loku fyrir það skotið að Horzen komi fyrr takist samningar þess efnis milli Löwen og núverandi félags, Celje.
- Auglýsing -

Nýjustu fréttir

- Auglýsing -