Molakaffi: Bjarni Ófeigur, Daníel Freyr, Daníel Þór, Teitur Örn, Ólafur Indriði, Ólafur Andrés

Bjarni Ófeigur Valdimarsson leikmaður Skövde t.v. Mynd/Aðsend
  • Bjarni Ófeigur Valdimarsson skoraði sjö mörk og var einu sinni vísað af leikvelli í tvær mínútur þegar Skövde vann baráttusigur á Kristianstad, 33:32, á útivelli í sænsku úrvalsdeildinni í handknattleik í gærdag. Skövde situr í fjórða sæti deildarinnar með 32 stig eftir 22 leiki og er fimm stigum á eftir Sävehof sem trónir í efsta sæti. Kristianstad er í öðru sæti með 35 stig og Ystad er í þriðja með 32 stig eins og Skövde.
  • Daníel Freyr Andrésson náði sér lítt á strik í marki Guif í gær, varði aðeins þrjú skot af 11 sem komu á mark hans þann tíma sem hann fékk til þess að standa á milli stanganna. Guif tapað fyrir IF Hallby HK, 26:22, á heimavelli. Guif hangir enn á áttunda sætinu en Hallby er aðeins stigi á eftir og Lugi er tveimur stigum aftar og á tvo leiki til góða.
  • Daníel Þór Ingason skoraði eitt mark fyrir Balingen-Weilstetten þegar liðið tapaði með sex marka mun fyrir Kiel, 31:25, á heimavelli í þýsku 1. deildinni í handknattleik í gær. Balingen er neðst í deildinni með níu stig eftir 21 leik eins og GWD Minden. Balingen á reyndar tvo leiki til góða á Minden-liðið.
  • Teitur Örn Einarsson kom lítið við sögu þegar Flensburg tapaði á útivelli fyrir Leipzig, 25:24, einnig í þýsku 1. deildinni í gær. Flensburg er í þriðja sæti deildarinnar með 33 stig en hefur missti Kiel fimm stigum framúr sér en Kiel er í öðru sæti. Magdeburg er lang efst sem fyrr.
  • HC Erlangen vann N-Lübbecke, 29:22, á heimavelli í fyrsta leik liðsins í þýsku 1. deildinni eftir að Ólafur Indriði Stefánsson var ráðinn í þjálfarahóp liðsins. Erlangen er í 11. sæti.
  • Ólafur Andrés Guðmundsson var ekki með Montpellier vegna meiðsla þegar liðið vann stórsigur á Saran, 31:18, á útivelli í frönsku 1. deildinni í gær. Montpellier er í fjórða sæti deildarinnar.
- Auglýsing -

Nýjustu fréttir

- Auglýsing -