Molakaffi: Dagur, Aðalsteinn, Orri Freyr, Harpa, Palicka, Johannesson, Kristinn

Dagur Sigurðsson, landsliðsþjálfari Japans. Mynd/EPA
  • Dagur Sigurðsson, landsliðsþjálfari Japans í handknattleik karla er einn þriggja sem nefndur er til sögunnar sem eftirmaður Guðmundar Þórðar Guðmundssonar í stóli þjálfara þýska 1. deildarliðsins MT Melsungen í frétt sem birtist í gær í Hessische Niedersächsische Allgemeine Zeitung, hna.de. Einnig er Spánverjinn Roberto Parrondo talinn kom til greina en hann hefur náð góðum árangri með egypska karlalandsliðið. Sá þriðji sem nefndur er til sögunnar er Hrvoje Horvat yngri. 
  • Kadetten, liðið sem Aðalsteinn Eyjólfsson þjálfari í svissnesku A-deild karla, vann meistarana í Pfadi Winterthur, 33:30, á útivelli í gær. Kadetten er efst í deildinni með átta stig eftir fjóra leiki og er eina taplausa lið deildarinnar. 
  • Orri Freyr Þorkelsson skoraði fimm mörk þegar lið hans Elverum vann stórsigur á Kristiansand Topphåndball, 41:19, í norsku bikarkeppninni í gær á heimavelli.
  • Harpa Rut Jónsdóttir og félagar í meistaraliði LK Zug í Sviss unnu Yellow Winterthur, 28:27, á heimavelli í gær. Harpa Rut skoraði ekki mark í leiknum. LK Zug er í öðru sæti deildarinnar með sex stig eftir fjóra leiki, stigi á eftir SPONO Eagles.
  • Andreas Palicka gefur áfram kost á sér í sænska landsliðið í handknattleik karla, a.m.k. fram yfir EM sem haldið verður í Ungverjalandi og Slóvakíu í janúar. Palicka hefur leikið með landsliðinu í 14 ár. Eftir Óympíuleikana í sumar gaf hann í skyn að ferlinum með landsliðinu væri e.t.v. lokið. 
  • Sænski markvörðurinn Peter Johannesson yfirgefur Lemgo eftir þetta keppnistímabil. Hann afþakkaði á dögunum nýjan samning við félagið að sögn Jörg Zereike framkvæmdastjóra Lemgo. Johannesson  kom til félagsins frá Balingen-Weilstetten fyrir fjórum árum. Óvíst er hvert Svíinn fer. 
  • Nýliðar EB á Eiði, sem Kristinn Guðmundsson þjálfar, steinlágu fyrir Neistanum, 36:16, í annarri umferð færeysku úrvalsdeildinnar í handknattleik kvenna á fimmtudagskvöld. EB er nýliði í deildinni og hefur tapað tveimur fyrstu leikjum sínum. 
- Auglýsing -

Nýjustu fréttir

- Auglýsing -