Molakaffi: Dagur, Þórir, Bjarni Kristinn, Halldóra, Satchwell, Ólafur, Aðalsteinn

Eyjamennirnir Dagur Arnarsson leikmaður ÍBV. Mynd/Eyjólfur Garðarsson
  • Dagur Arnarsson lék sinn 250. leik fyrir meistaraflokk ÍBV í sigurleiknum á FH í Olísdeild karla í handknattleik á miðvikudagskvöld í Kaplakrika. Dagur er aðeins 24 ára gamall en hefur verið fastamaður í meistaraflokksliði ÍBV um árabil, var m.a. í Íslandsmeistaraliði félagsins fyrir sjö árum. 
  • Þórir Haraldsson var í fyrrakvöld endurkjörinn formaður handknattleiksdeildar Selfoss á aðalfundi deildarinnar. Aðrir sem sátu í stjórn með Þóri gáfu kost á sér í til endurkjörs og fengu stuðning til áframhaldandi setu ásamt formanni. Sömu sögu er að segja um þá sem setið hafa í varastjórn og í unglingaráði.
  • Bjarni Kristinn Eysteinsson var endurkjörinn formaður handknattleiksdeildar Fram á aðalfundi deildarinnar á þriðjudaginn. Halldóra F. Sigurgeirsdóttir, formaður barna- og unglingráðs hlaut einnig brautargengi til áframhaldandi starfa. „Flestir meðstjórnendur halda áfram sem er gleðiefni,“ segir í tilkynningu handknattleiksdeildar Fram í gær. 
  • Markvörðurinn Nicholas Satchwell hjá KA var valinn í 16-manna landsliðshóp Færeyinga sem leikur við þýska landsliðið í undankeppni HM 13. og 16. apríl. Framarinn Vilhelm Poulsen var einnig valinn í liðið en óvíst er um þátttöku hans vegna meiðsla eins og kom fram á handbolta.is í gær.  Aðrir færeyskir handknattleikskarlar sem leika hér á landi voru ekki valdir að þessu sinni. 
  • Ólafur Andrés Guðmundsson var ekki í leikmannahópi Montpellier í gær þegar liðið gerði jafntefli við Porto, 29:29, í fyrri viðureign liðanna í 1. umferð útsláttarkeppni Meistaradeildar Evrópu í handknattleik karla. Leikið var í Porto. Síðari leikurinn fer fram í Frakklandi eftir viku. 
  • Í hinni viðureign gærkvöldsins í Meistaradeildinni vann ungverska liðið Veszprém öruggan sigur á Vardar, 30:22. Leikurinn fór fram í Skopje í Norður Makedóníu
  • Aðalsteinn Eyjólfsson og lærisveinar hans í Kadetten töpuðu  fyrir Suhr Aaruau, 34:28, í  svissnesku A-deildinni í handknattleik á útivelli í gærkvöld. Engu að síður hefur Kadetten yfirburðastöðu í deildinni. 
- Auglýsing -

Nýjustu fréttir

- Auglýsing -