- Auglýsing -

Molakaffi: Daníel Freyr, Aron Dagur, hætt við, Neagu, Kopljar

Daníel Freyr Andrésson markvörðurog félagar í Guif unnu í dag. Mynd/Eskilstuna Guif
  • Daníel Freyr Andrésson náði sér ekki á strik og varði aðeins þrjú skot af þeim 12 sem komu á mark Guif gegn Malmö HK í sænsku úrvalsdeildinni í handknattleik í gærkvöld. Malmö vann leikinn, 31:28, eftir að Guif var tveimur mörkum yfir í hálfleik, 17:15. Aron Dagur Pálsson skoraði ekki mark fyrir Guif í þeim tveimur markskotum sem hann átti.
  • Guif lýkur árinu í 10. sæti deildarinnar með 12 stig eftir 16 leiki en 14 lið eru í sænsku úrvalsdeildinni. Sävehof er efst með 25 stig. Skövde, sem Bjarni Ófeigur Valdimarsson leikur með, situr í sjötta sæti með 19 stig en hefur aðeins leikið 14 leiki, á tvo til þrjá leiki til góða á liðin fyrir ofan.
  • Dagur Sigurðsson og lærisveinar hans í japanska landsliðinu töpuðu naumlega fyrir pólska landsliðinu í gær á æfingamóti í Gdansk í Póllandi, 28:27. Japanska landsliðið mætur landsliði Túnis í lokaumferð mótsins í dag.
  • Vináttulandsleik heimsmeistara Dana og Afríkumeistara Egypta í handknattleik karla sem fram átti að fara í París 9. janúar hefur verið aflýst. Ástæðan er hröð útbreiðsla kórónuveirunnar í Frakklandi, ekki síst í höfuðborginni. Landslið Frakka og Norðmanna áttu einnig að mætast í París 9. janúar. Hætt hefur verið við það. Leikur Frakka og Egypta sem fram átti að fara í Savoie 6. janúar hefur verið fluttur til Créteil þar sem skárra ástand er um þessar mundir.
  • Rúmenska handknatteikskonan Cristina Neagu hefur skrifað undir nýjan samning við CSM Búkaresti. Samningurinn gildir til ársins 2024.
  • Króatinn Marko Kopljar hefur sömuleiðis skrifað undir nýjan samning við Füchse Berlin sem gildir til ársins 2024.
- Auglýsing -
- Auglýsing -

Nýjustu fréttir

- Auglýsing -