- Auglýsing -

Molakaffi: Daníel Freyr, Bjarni Ófeigur, Axel, Óskar, Viktor, Szollosi, Milosavljevic

Daníel Freyr Andrésson markvörðurog félagar í Guif unnu í dag. Mynd/Eskilstuna Guif

Daníel Freyr Andrésson varði 11 skot, 24%, þegar lið hans Guif tapaði fyrir Ystadts IF HF, 35:31, á heimavelli í sænsku úrvalsdeildinni í handknattleik í gærkvöld. Guif er í níunda sæti deildarinnar.


Ekkert varð af leik Skövde, sem Bjarni Ófeigur Valdimarsson leikur með, og Hammarby sem fram átti að fara í sænsku úrvalsdeildinni í gærkvöld.


Axel Stefánsson fagnaði sigri með liðinu sínu Storhamar, í norsku úrvalsdeildinni í handknattleik kvenna á Byåsen, 25:19, á útivelli. Storhamar er í öðru sæti deildarinnar með 28 stig eftir 16 leiki og er sjö stigum og tveimur leikjum á eftir Vipers Kristiansand sem trónir á toppnum eins og stundum áður.


Óskar Ólafsson skoraði fjögur mörk og Viktor Petersen Norberg þrjú þegar Drammen vann Halden, 37:29, í úrvalsdeild karla í Noregi á heimavelli í gær. Drammen er í öðru sæti deildarinnar sjö stigum á eftir Elverum sem er með fullt hús stiga eftir 19 leiki.


Szandra Szollosi skoraði sjö mörk fyrir ungverska liðið FTC þegar það vann króatíska liðið Podravka Vegeta, 33:29, í Meistaradeild kvenna í handknattleik í gærkvöldi. Leiknum varð að slá á frest um síðustu helgi þegar 13. umferð fór fram. Dejana Milosavljevic skoraði 12 mörk fyrir Podravka sem rekur lestina í A-riðli með tvö stig. FTC er í fjórða sæti með 17 stig en átta lið eru í riðlinum.

  • Hvorki  Filip Jicha þjálfari þýska meistaraliðsins THW Kiel Christian Sprenger aðstoðarþjálfari geta stýrt liðinu gegn Elverum í Meistaradeild Evrópu í handknattleik karla í kvöld. Þeir eru báðir í eingangrun vegna covid. Klaus-Dieter Petersen, fyrrverandi leikmaður liðsins og núverandi unglingaþjálfari, verður á hliðarlínunni í Hákonshöll í Lillehammer í kvöld þegar liðin mætast. Leikmennirnir Hendrik Pekeler og Dario Quenstedt verða einnig fjarverandi vegna covid.
- Auglýsing -
- Auglýsing -

Nýjustu fréttir

- Auglýsing -