Molakaffi: Danskar í Lemgo, Vranjes, Asíukeppnin, liggja undir grun

Karina Christiansen og Line Hesselda, handknattleiksdómarar. Mynd/FB-síða danska handknattleikssambandsins
  • Karina Christiansen og Line Hesselda frá Danmörku dæma síðari viðureign Lemgo og Vals í annarri umferð Evrópudeildar karla í handknattleik í Lemgo á þriðjudaginn í næstu viku. Frá þessu var greint í gær á heimasíðu danska handknattleikssambandsins. 
  • Bosníska varnartröllið Vladimir Vranjes hefur framlengt samning sinn við Meshkov Brest í Hvíta-Rússlandi til ársins 2024. Vranjes kom til Brest sumarið 2020 frá Tatabanya í Ungverjalandi
  • Landslið Suður Kóreu, Kasakstan, Japans og Írans eru komin í undanúrslit í Asíukeppni kvenna sem fram fer í Amman í Jórdaníu þessa dagana. Um leið eru landsliðin örugg um sæti á heimsmeistaramótinu sem fram fer á Spáni í desember. Tveir farseðlar eru til viðbótar á mótinu. Stendur baráttan á milli landsliða Hong Kong, Usbekistan, Jórdaníu og Sýrlands.  Landslið Singapúr, Kúveit og Palestínu eru úr leik í kapphlaupinu um HM faseðlana.  Landslið Japans og Suður Kóreu er taplaus til þessa í mótinu. 
  • Rússneska handknattleikssambandið hefur sett átta leikmenn U19 ára landsliðs karla í keppnisbann meðan á rannsókn stendur á meintri þátttöku þeirra í veðmálum á leikjum rússneska landsliðsins í lokakeppni EM í Króatíu í síðasta mánuði. Íslenska landsliðið tók þátt í mótinu en mætti ekki Rússum sem höfnuðu í 15. og næst síðasta sæti mótsins.  Leikmennirnir átta sem liggja undir grun eru á mála hjá ungmennaliðum Medvedi Chekhov, CSKA Moskvu og SKIF Krasnódar.
- Auglýsing -

Nýjustu fréttir

- Auglýsing -