Molakaffi: Darleux, Toft, Quiniou, Erik Veje Rasmussen

Sandra Toft markvörður danska landsliðsins og franska liðsins Brest. Mynd/EPA
  • Franski landsliðsmarkvörðurinn Cleopatre Darleux hefur skrifað undir nýjan samning við Brest í heimalandi sínu. Fetar hún þar með í fótspor Söndru Toft markvarðar sem einnig framlengdi samning sinn við franska liðið á dögunum. Franska ungstirnið Agathe Quiniou ætlar einnig að halda kyrru fyrir í Brest og staðfesti þá ætlan sína með því að hripa nafn sitt undir nýjan samning við liðið sem er komið með annan fótinn í undanúrslit Meistaradeildar Evrópu.
  • Eftir að tilkynnt var um að danska úrvalsdeildarliðið Århus Håndbold hafi verið lagt niður í gær og verða þau tímamót að einn lífsseigasti þjálfari dansks handknattleiks, Erik Veje Rasmussen, hættir þjálfun, alltént að sinni.
  • Rasmussen hefur óslitið þjálfað liðið frá 2003 að undanskildu einu ári frá 2009 til 2010. Rassmussen er 61 árs gamall og einn þekktasti handknattleiksmaður Dana frá upphafi.
  • Hann er t.d. þriðji markahæsti leikmaður danska landsliðsins frá upphafi og aðeins einn þriggja sem skorað hefur fleiri en 1.000 mörk fyrir landsliðið. Hinir eru Lars Christansen og Mikkel Hansen en sá síðastnefndi skaust upp fyrir Rasmussen fyrir stuttu.
  • Rasmussen sagði við TV2 í gær að hann hafi afþakkað þjálfarastarf hjá sameinuðu liði Skanderborg og Århus. Hann hafi fengið að vita hvað væri í uppsiglingu fyrir um mánuði og það hafi verið erfitt að leyna því fyrir leikmönnum sínum á lokaspretti deildarkeppninnar að dagar liðsins í núverandi mynd væri senn taldir.
  • Århus Håndbold verður tekið til gjaldþrotaskipta og keppnisleyfið fer á ný í hendur VRI Risskov í Árósum. Þeir leikmenn Århus Håndbold sem vilja stendur til boða að ganga til liðs við Skanderborg Århus Håndbold en sameinað lið leikur á keppnisleyfi Skanderborg Håndbold.
- Auglýsing -

Nýjustu fréttir

- Auglýsing -