Molakaffi: Díana Dögg, Diocou, Groetzki, Pena, Tanasie, Schatzl

Díana Dögg Magnúsdóttir í leik með Zwickau. Mynd/BSV Sachsen Zwickau
  • Díana Dögg Magnúsdóttir og samherjar í þýska 1. deildarliðinu BSV Sachsen Zwickau léku æfingaleik í gær, þann fyrsta í upphafi undirbúnings fyrir næsta keppnistímabil. Leikið var við HC Leipzig. Díana Dögg og samherjar höfðu betur, 35:30, eftir að hafa verið þremur mörkum yfir í hálfleik, 19:16.
  • Þýska handknattleiksliðið Rhein-Neckar Löwen staðfesti í gær að gerður hafi verið tveggja ára lánssamningur við Barcelona vegna hægri hornamannsins unga, Mamadou Diocou. Hann hefur fengið fá tækifæri hjá Barcelona enda einn þriggja leikmanna Katalóníuliðsins í stöðu hægri hornamanns. Diocou kemur til með að deila stöðunni hjá Löwen með Patrick Groetzki.
  • Nerea Pena, Alexandrina Barbosa, Irene Espínola, Carmen Campos og Carmen Martín skoruðu fjögur mörk hver þegar spænska landsliðið vann það rúmenska með 13 marka mun, 32:19, í vináttulandsleik í handknattleik kvenna. Leikurinn var liður í undirbúningi fyrir Ólympíuleikana. Ana Maria Tanasie var markahæst í rúmenska liðinu með fjögur mörk.
  • Nadine Schatzl skoraði fjögur mörk og var markahæst hjá ungverska landsliðinu þegar það vann brasilíska landsliðið, 24:23, í síðasta vináttuleik liðanna fyrir handknattleikskeppni Ólympíuleikanna. Viðureignin fór fram í Siofok í Ungverjalandi. Adrianna De Castro og Bruna De Paula voru atkvæðamestar í brasilíska landsliðinu með fimm mörk hvor.
- Auglýsing -

Nýjustu fréttir

- Auglýsing -