- Auglýsing -

Molakaffi: Díana Dögg, Andrea, Þórhildur, Jóhanna, Elvar, Alexander, Bergur, Lacrabère

Díana Dögg Magnúsdóttir í leik með BSV Sachsen Zwickau. Mynd/BSV Sachsen Zwickau
  • Ekkert verður af því að Díana Dögg Magnúsdóttir og samherjar í BSV Sachsen Zwickau mæti Thüringer í þýsku 1. deildinni í handknattleik í kvöld. Smit kórónuveiru hefur á ný stungið sér niður í herbúðir BSV Sachsen Zwickau eftir því sem fram kom í tilkynningu frá félaginu í gær. 
  • Andrea Jacobsen skoraði þrjú mörk í sex skotum þegar lið hennar Kristianstad gerði jafntefli á heimavelli við Skara HF, 26:26, í sænsku úrvalsdeildinni í handknattleik kvenna í gærkvöld. Skara var tveimur mörkum yfir að loknum fyrri hálfleik, 15:13. Kristiansand er í 10. sæti deildairnnar með 9 stig eftir 16 leiki og er þremur stigum á eftir Skövde sem er í níunda sæti. Karra og Heid reka lestina með fjögur stig hvort.
  • Þórhildur Vala Kjartansdóttir sem í byrjun árs var lánuð til ÍR frá Aftureldingu hefur verið kölluð til baka til Aftureldingar, eftir því sem fram kemur á félagaskiptavef HSÍ. Eins hefur Jóhanna Hlín Hansdóttir snúið aftur í herbúðir Fram eftir að hafa verið í lánsvist hjá Aftureldingu síðan í október. Jóhanna Hlín lék með Fram í gærkvöldi þegar liðið lagði Víking, 36:23, í 16-liða úrslitum Coca Cola-bikarkeppninnar.
  • Elvar Magnússon sem síðast lék með Hvíta riddaranum í Mosfellsbæ hefur fengið félagaskipti yfir til Berserkja í Fossvogi, venslaliðs Víkings. Alexander Jón Másson er kominn heim í Val eftir að hafa verið skráður í Gróttu og leikið með liðinu fyrir talsverðu síðan. 
  • Bergur Elí Rúnarsson hefur leikið með FH í síðustu leikjum í Olísdeildinni. Hann tók upp þráðinn fyrir áramót eftir að hafa tekið sér hvíld frá handknattleik haustið 2020 þegar hann hafði nýlega skipti yfir í Gróttu frá Fjölni. Bergur Elí fékk skipti úr Gróttu yfir til FH í lok september. 
  • Franska handknattleikskonan Alexandra Lacrabère hefur samið við Rapid Búkarest til tveggja ára. Samningurinn tekur gildi í sumar. Hún hefur leikið með franska liðinu Chambray frá síðasta sumri.
- Auglýsing -
- Auglýsing -

Nýjustu fréttir

- Auglýsing -