Molakaffi: Elías Már, Axel, Harpa Rut, Magnús Orri

Elías Már Halldórsson þjálfari Fredrikstad. Mynd/Fredrikstad Bkl.
  • Elías Már Halldórsson og liðsmenn hans í Fredrikstad Bkl. féllu í gærkvöld úr leik í átta liða úrslitum norsku bikarkeppninnar með þriggja marka tapi fyrir Molde á heimavelli, 31:28. Þar með er ljóst að Íslendingar koma ekki við sögu í undanúrslitum norsku bikarkeppninnar í kvennaflokki. Í fyrrakvöld steinlá Storhamar, sem Axel Stefánsson þjálfar, fyrir Evrópumeisturum Vipers í átta liða úrslitum, 38:23. 
  • Auk Vipers og Molde eru Aker og Fana einnig í undanúrslitum en dregið verður í dag hvaða lið mætast í undanúrslitum. Úrslitaleikurinn verður í Oslo Spektrum 29. desember. 
  • Harpa Rut Jónsdóttir og félagar í svissneska meistaraliðinu LK Zug unnu  GC Amicitia Zürich, 29:26, á útivelli í A-deildinni í Sviss í gærkvöld. Harpa Rut var ekki á meðal markaskorara í leiknum. LK Zug er í öðru sæti deildarinnar með 10 stig eftir sjö leiki, stigi á eftir Brühl.
  • Magnús Orri Axelsson skoraði eitt mark þegar lið hans Viking Håndball tapaði fyrir Viking TIF, 33:28, í norsku 1. deildinni í gær. Viking Håndball er í fimmta sæti deildarinnar með sex stig að loknum fimm leikjum. Magnús Orri er sonur Axels Stefánssonar handknattleiksþjálfara sem  getið er um hér fyrir ofan. 
- Auglýsing -

Nýjustu fréttir

- Auglýsing -