Molakaffi: Elín Jóna, Jovanovic, Börjesson, Andersson, Blagotinsek, Klimpke

Elín Jóna Þorsteinsdóttir landsliðsmarkvörður og markvörður Ringkøbing Håndbold. Mynd/Ringkøbing Håndbold
  • Róður Elínar Jónu Þorsteinsdóttur og samherja í Ringköbing Håndbold fyrir áframhaldandi veru í dönsku úrvalsdeildinni í handknattleik þyngdist í gærkvöld þegar liðið steinlá fyrir Aarhus United, 37:22, á heimavelli í umspili liðanna sem eru að forðast fall úr deildinni. Elín Jóna stóð í marki Ringköbing Håndbold annan helming leiksins og varði fimm skot, 22%.
  • Marija Jovanovic leikmaður ÍBV er í landsliðshópi Serba sem tilkynntur var á dögunum. Serbneska landsliðið mætir íslenska landsliðinu í úrslitaleik um sæti í lokakeppni EM í Zrenjanin laugardaginn 23. apríl. 
  • Sofie Börjesson markvörður Sävehof hefur vegna meiðsla dregið sig út úr sænska landsliðinu í handknattleik kvenna sem mætir íslenska landsliðinu í undankeppni EM á Ásvöllum miðvikudaginn 20. apríl. Í stað Börjesson kemur kollegi hjá Sävehöf, Wilma Kroon Andersson. Auk hennar eru Johanna Bundsen og Evelina Eriksson í landsliðshópnum sem valinn var á dögunum. 
  • Ekki er ráð nema í tíma sé tekið. Í gær sagði Flensburg frá því að félagið hafi tryggt sér starfskrafta Blaz Blagotinsek frá og með sumrinu 2023 þegar samningur hans við Veszprém verður genginn út. Slóveninn á að fylla skarð Danans Simon Hald sem flytur heim eftir fimm ára dvöl í landamærabænum.
  • Líkum er leitt að því að Till Klimpke, markvörður Wetzlar, verði eftirmaður Niklas Landin hjá Kiel þegar Daninn heldur heim eftir rúmt ár.
- Auglýsing -

Nýjustu fréttir

- Auglýsing -