- Auglýsing -

Molakaffi: Elín Jóna, Karabatic, Corrales, Maqueda, Tijsterman, Dembele

Elín Jóna Þorsteinsdóttir markvörður. Mynd/Ringköbing Håndbold
  • Ekkert verður af fyrirhuguðum leik hjá Elínu Jónu Þorsteinsdóttur landsliðsmarkverði í handknattleik og samherjum hennar í Ringkøbing Håndbold við Randers í dönsku úrvalsdeildinni á morgun. Nokkrir leikmenn Randers hafa greinst smitaðir af covid síðustu daga og þess vegna verður að slá leiknum á frest. Keppni í dönsku úrvalsdeildinni hefst á morgun en þegar hefur tveimur leikjum verið frestað. Auk fyrrgreinds leiks er um að ræða viðureign Viborg og Esbjerg.
  • Luka Karabatic er meiddur í nára og er alls óvíst að hann geti leikið með franska landsliðinu á EM sem hefst eftir 13 daga í Ungverjalandi og Slóvakíu. Bætast meiðsli hans ofan á annan vanda sem franska landsliðið fæst við þessa dagana en alls eru 11 leikmenn fjarverandi um þessar mundir af 20 manna hópi sem Guillaume Gille landsliðsþjálfari valdi. Fjarveran skýrist ýmist af meiðslum eða vegna covid.

  • Rodrigo Corrales, Jorge Maqueda og Miguel Sanchez-Migallon bætast í æfingahóp spænska landsliðsins í upphafi árs en þeir voru ekki með við æfingar landsliðsins á milli jóla og nýárs.
  • Monique Tijsterman sem tók við þjálfun hollenska kvennalandsliðsins í september hefur sagt starfi sínu lausu eftir að hafa stýrt liðinu á einu móti, HM á Spáni í nýliðnum mánuði. Hollenska landsliðið sem átti heimsmeistaratitilinn að verja á mótinu hafnaði í níunda sæti.

  • Franska handknattleikskonan Siraba Dembele hefur framlengt samning sinn við CSM Búkarest til ársins 2023. Þessi reynda franska landsiðskona hefur verið í herbúðum rúmenska félagsins í tvö ár. Dembele var í silfurliði Frakka á nýafstöðnu heimsmeistaramóti á Spáni en alls á hún 291 landsleik að baki.
- Auglýsing -
- Auglýsing -

Nýjustu fréttir

- Auglýsing -