Molakaffi: Elliði Snær, Tumi Steinn, Aron, Grétar Ari

Elliði Snær Viðarsson er að gera það gott með Gummersbach í Þýskalandi. Mynd/Hafliði Breiðfjörð
  • Elliði Snær Viðarsson skoraði tvö mörk og átti eina stoðsendingu þegar Gummersbach vann Bietigheim, 34:26, í þýsku 2. deildinni í handknattleik í gær. Gummersbach hefur 12 stiga forskot í efsta sæti deildarinnar þegar liðið á fimm leiki eftir óleikna.
  • Tumi Steinn Rúnarsson skoraði þrjú mörk og átti þrjár stoðsendingar þegar lið hans Coburg vann TuS Ferndorf, 36:27, í þýsku 2. deildinni í handknattleik í gær. Coburg er í 12. sæti af 20 liðum deildarinnar með 30 stig en á sjö leiki eftir óleikna. 
  • Aron Pálmarsson var ekki í liði Aalborg Håndbold sem vann Fredericia, 27:23, í úrslitakeppni dönsku úrvalsdeildarinnar í handknattleik í gær. Þetta var annar leikurinn í röð þar sem Aron er fjarri góðu gamni. Álaborgarliðið er næst efst í öðrum riðli úrslitakeppninnar þegar það á tvo leiki eftir. Skjern er í öðru sæti einu stigi á eftir en á leik til góða við Mors Thy í dag.  Sigurinn tryggði Aalborg sæti í undanúrslitum um danska meistaratitilinn.
  • Grétar Ari Guðjónsson varði þrjú skot, 18%, þann tíma sem hann stóð í marki Nice í gær þegar liðið vann Sarrebourg, 33:30, á útivelli í frönsku 2. deildinni í handknattleik. Nice er í sjöunda sæti deildarinnar þegar tvær umferðir eru eftir og á Nice möguleika á að komast í umspil um sæti í 1. deild á næsta keppnistímabili. Til þess þarf liðið að ná í a.m.k. sjötta sæti en liðin í fimmta og sjötta sæti eru með sama fjölda stiga og Nice.
- Auglýsing -

Nýjustu fréttir

- Auglýsing -