Molakaffi: Elna, Sigurjón, Sara, Einar, Leandra, Sigurður, Jóhanna, Magnús, Herning-Ikast, CSKA

Nokkrir verðlaunahafar á lokhófi HK, f.v. Einar Bragi Aðalsteinsson, Sigurjón Guðmundsson, Elna Ólöf Guðjónsdóttir, Sara Katrín Gunnarsdóttir og Sigurður Jefferson. Mynd/HK
  • Elna Ólöf Guðjónsdóttir og Sigurjón Guðmundsson voru valin bestu leikmenn meistarafloksliða HK á lokahófi handknattleiksdeildar félagsins um helgina. Sara Katrín Gunnarsdóttir og Einar Bragi Aðalsteinsson voru valin efnilegust í sömu flokkum.
  • Sara Katrín var jafnframt valin besti leikmaður ungmennaliðs HK sem lék í Grill 66-deildinni. Hún var markahæsti leikmaður deildinnar eins og kom fram í yfirliti sem handbolti.is birti á dögunum. Leandra Náttsól Salvamoser varð fyrir valinu sem efnilegasti leikmaður ungmennaliðs kvenna.
  • Prins meistaraflokksliðs karla hjá HK var valinn Sigurður Jefferson Guarino. Prinsessa meistaraflokksliðs kvenna hjá HK var valin Jóhanna Margrét Sigurðardóttir.

  • Magnús Öder Einarsson leikur ekki meira með Selfossliðinu á Íslandsmótinu eftir því sem næst verður komist. Magnús meiddist á öxl á dögunum þegar hann hlaut slæma byltu og þarf að gangast undir aðgerð til að fá bót meina sinna.
  • Herning-Ikast vann bronsverðlaun í dönsku úrvalsdeild kvenna í handknattleik í gærkvöld eftir eins marks sigur á meisturum síðasta árs, Esbjerg, 29:28, í oddaleik. Liðin höfðu áður gert í tvígang jafntefli í rimmunni um bronsverðlaunin.
  • Rússneska meistaraliðið í kvennaflokki, CSKA Moskva, fær nýjan þjálfara fyrir næsta keppnistímabil. Florentin Pera tekur við þjálfun liðsins í sumar. Pera hefur undanfarin ár þjálfað SCM Râmnicu Vâlcea í heimalandi sínu, Rúmeníu.
- Auglýsing -

Nýjustu fréttir

- Auglýsing -