Molakaffi: Finnur Ingi, Amega, Prokop, Ortega og Areia

Valsmenn eru ríkjandi Íslandsmeistarar karla í handknattleik. Mynd/Björgvin Franz
  • Finnur Ingi Stefánsson leikmaður Vals varð 34 ára gamall á föstudaginn. Hann hélt upp á daginn með því að fagna Íslandsmeistaratitli með félögum sínum í Val um kvöldið. Einnig sungu samherjar Finns Inga afmælisönginn fyrir hann við verðlaunaafhendinguna. 
  • Önnur sterk hollenska handknattleikskona hefur orðið að draga sig út úr landsliðshóp fyrir Ólympíuleikana. Í gær greindi Delaila Amega frá því að vegna hnémeiðsla fari hún ekki með hollenska landsliðinu á leikana. Hún glímir nú við þriðji hnémeiðslin á einu ári. Fyrr í vikunni varð leikstjórnandinn Estvana Polman að draga sig í hlé. 
  • Christian Prokop fyrrverandi landsliðsþjálfari Þjóðverja í handknattleik karla er orðaður við þjálfarastarfið hjá Hannover-Burgdorf. Carlos Ortega sem nú gegnir starfinu er á leið til Barcelona. Prokop er enn á launum hjá þýska handknattleikssambandinu og þarf að ná samkomulagi um slit á honum ef til kastanna kemur.
  • Portúgalski landsliðsmaðurinn Antonio Areia hefur framlengt samning sinn við Porto til ársins 2023.
- Auglýsing -

Nýjustu fréttir

- Auglýsing -