Molakaffi: Fjórir smitaðir hjá Ribe-Esbjerg, fer beint í leik á HM, markvörður á faraldsfæti

Lið Ribe-Esbjerg. Íslendingarnir þrír eru framarlega á myndinni, Gunnar Steinn Jónsson, Daníel Þór Ingason og Rúnar Kárason. Mynd/Ribe Esbjerg
  • Danska úrvalsdeildarliðið Ribe-Esbjerg sem Daníel Þór Ingason, Gunnar Steinn Jónsson og Rúnar Kárason leika með tilkynnti í gærkvöld að þrír leikmenn liðsins hafi greinst smitaður af kórónuveirunni við skimun í fyrradag. Einn leikmaður hafði þegar verið greindur á mánudaginn. Afar sennilegt er að ástæða þessara fjögurra smita megi rekja til æfingaleiks Ribe-Esbjerg við landslið Bandaríkjanna á föstudaginn fyrir nærri viku. Átján úr bandaríska hópnum reyndust smitaðir á mánudaginn við skimun sem var gerð vegna fyrirhugaðrar þátttöku landsliðsins á HM í handbolta.
  • Nöfn þeirra sem reyndust jákvæðir í gær voru ekki gefin upp í tilkynningu félagsins í gær. Aðeins að gripið hafi verið til viðeigandi ráðstafana og að fylgst verði áfram grannt með smituðum og ósmituðum leikmönnum. Ekki er hægt að útiloka að fleiri reynist smitaðir. 
  • Þegar leikmenn fóru í skimun í fyrradag var æfingum liðsins frestað fram yfir komandi helgi en liðið æfði á mánudaginn. Sá fyrsti í hópnum sem greindist smitaður tók ekki þátt í æfingunni þar sem hann var þegar farinn að finna fyrir einkennum.
  • Landslið Sviss í handknattleik karla er væntanlegt til Kaíró fyrir hádegið í dag. Leikmenn og tollverðir verða að hafa hröð handtök við komuna því til stendur að landslið Sviss mæti grönnum sínum frá Austurríki í fyrstu umferð HM klukkan 17 í dag. Sviss kom inn í mótið á elleftu stundu eftir að bandaríska landsliðið varð að draga sig úr keppni vegna átján smita innan leikmannahópsins. Þetta verður í fyrsta sinn síðan á HM 1995 á Íslandi sem landslið Sviss tekur þátt í HM. Svissneska landsliðið vann Ísland í Laugardalshöll, 24:21, á HM 1995.
  • Til stóð að Ísland og Sviss mættust í umspilsleikjum um sæti á HM í Egyptalandi. Umspilsleikirnir voru felldir niður í vor sem leið og íslenska landsliðið fékk þátttökuréttinn vegna betri árangurs en landslið Sviss á EM í Svíþjóð. 
  • Karim Hendawy, landsliðsmarkvörður Egypta, sem leikið hefur með Constanta í Rúmeníu á leiktíðinni verður liðsmaður RK Eurofarm Pelister í Norður-Makedóníu þegar keppni hefst aftur í evrópskum félagsliða handknattleik í febrúar.
- Auglýsing -

Nýjustu fréttir

Fjölnir tyllti sér aftur á toppinn

Fjölnismenn gefa toppsæti Grill 66-deild karla í handknattleik ekki eftir enda voru þeir búnir að sitja í efsta sæti deildarinnar þegar leikir...

Örn Ingi mætti til leiks og Víkingur vann með níu

Víkingar koma öflugir til leiks aftur eftir þriggja og hálfs mánaðar hlé á keppni í Grill 66-deildinni í handknattleik karla. Þeir tóku...

HK byrjaði vel eftir langt hlé

HK hóf keppni í Grill 66-deild karla í handknattleik í kvöld með öruggum sigri á Vængjum Júpíters í Dalhúsum í Grafarvogi, 29:18,...
- Auglýsing -