Molakaffi: Frafjord, Duarte, Heymann, Igropulo, Barcelona, Semedo, Sousa, Andreev

Mynd/Egill Bjarni Friðjónsson
  • Norska handknattleikskonan Marit Malm Frafjord hefur tekið sæti í stjórn danska handknattleiksfélagsins Team Esbjerg Elitehåndbold A/S. Frafjord sem hætti að leika handknattleik í vor er fyrsta konan til þess að taka þátt í stjórn félagsins sem um nokkurra ára skeið hefur rekið eitt besta kvennalið Evrópu.


  • Staðfest var í gær að portúgalski landsliðsmaðurinn Gilberto Duarte leikur með Göppingen í Þýskalandi á næsta keppnistímabili. Duarte á að fylla skarð Sebastian Heymann sem verður væntanlega frá keppni nær allt keppnistímabilið vegna meiðsla. Til stóð að Duarte gengi til liðs við Vardar Skopje en eftir að liðinu var meinuð þátttaka í Meistaradeild Evrópu datt samningur hans við félagið upp fyrir. 
  • Barcelona hefur staðfest að Rússinn Konstantin Igropulo verður aðstoðarþjálfari liðs Evrópumeistaranna á næsta vetri eins og orðrómur var uppi um í vikunni. Tomas Svensson snýr sér alfarið að þjálfun markvarða liðsins en hann var aðstoðarþjálfari við hlið Carlos Ortega á nýliðinni leiktíð. 
  • Leandro Semedo handknattleiksmaður frá Grænhöfðaeyjum hefur samið við Benfica í Portúgal. Semedo hefur síðustu tvö ár leiki með Ademar Leon á Spáni við góðan orðstír. 

  • André Sousa hefur samið við FC Porto til ársins 2026. Sousa þekkir vel til í herbúðum félagsins.
  • Rússneski línumaðurinn Pavel Andreev hefur gengið til liðs við Meshkov Brest í Hvíta-Rússlandi.

- Auglýsing -

Nýjustu fréttir

- Auglýsing -