Molakaffi: Gísli, Ómar, Haukur, Afríkukeppnin, Casado, Malašinskas

Mynd/Egill Bjarni Friðjónsson
  • Þýskalandsmeistarar Magdeburg taka þátt í heimsmeistaramóti félagsliða á vegum alþjóða handknattleikssambandsins sem fram fer í annað sinn í Sádi Arabíu eftir miðjan október en liðið á titil að verja. Gísli Þorgeir Kristjánsson og Ómar Ingi Magnússon verða þar í eldlínunni með liðinu. 
  • Gísli og Ómar verða ekki einu Íslendingarnir sem taka þátt í heimsmeistarmótinu vegna þess að Lomza Industria Kielce frá Póllandi með Hauk Þrastarson innanborðs hefur verið boðið að taka þátt og hafa forsvarsmenn þess þegið boðið. 

  • Til viðbótar verður sigurlið Meistaradeildar Evrópu, Barcelona, með og einnig Benfica sem vann Evrópudeild karla. Alls taka 12 lið þátt í mótinu. Auk Evrópuliðanna fjögurra mæta til leiks lið frá Asíu, Afríku, Eyjaálfu og Suður– og Mið Ameríku
  • Ljóst er hvaða átta lið mætast í átta lið úrslitum Afríkukeppni karla í handknattleik á morgun, föstudag. Afríkumeistarar Egyptalands mæta Alsírbúum, Túnis og Kongó eigast við, Gínea og Marokkó leiða saman hesta sína og Angóla leikur við Grænhöfðaeyjar. Fimm efstu lið mótsins taka þátt í heimsmeistaramótinu í Póllandi og Svíþjóð í janúar. Afríkumótinu lýkur á mánudaginn. 

  • Agustín Casado og Aidenas Malašinskas skrifuðu í gær hvor um sig undir eins árs samning við þýska 1. deildarliðið MT Melsungen. Casado hefur undanfarin tvö ár leikið með BM Logroño La Rioja í heimalandi sínu, Spáni.
  • Til stóð að Casado gengi til liðs við Meshkov Brest í Hvíta-Rússlandi í sumar en af því verður ekki. Casado hefur þegar búið svo um hnútana að hann verður liðsmaður Veszprém í Ungverjalandi að ári liðnu. 
  • Litáinn Malašinskas hefur síðustu sjö ár leikið með HC Motor í Úkraínu


- Auglýsing -

Nýjustu fréttir

- Auglýsing -