Molakaffi: Glauser, Thulin, Gómez, Svava Lind

Laura Glauser fer frá Ungverjalandi til Rúmeníu í sumar. Mynd/EPA
  • Laura Glauser, annar landsliðsmarkvörður Frakka á síðustu árum, hefur samið við CSM Bucaresti, eftir því sem Eurosport greinir frá samkvæmt heimildum. Glauser hefur verið einn þriggja markvarða Györ í Ungverjalandi. Hún hefur hins vegar verið óánægð með ónóg tækifæri með liðinu og staðið í skugga af löndu sinni Amandine Leynaud og norska landsliðsmarkverðinum Silju Solberg
  • Leynaud flytur heim í sumar eins og áður hefur komið fram á handbolti.is en hins vegar bætist danski markvörðurinn Sandra Toft í hóp markvarða Györ ásamt Solberg.  Glauser flytur sig þar með um set yfir til Rúmeníu. CSM greiðir Györ um jafnvirði rúmlega fimm milljóna króna fyrir Glauser.
  • Danska úrvalsdeildarliðið GOG hefur samið við sænskan markvörð, Tobias Thulin. Hann kemur til félagsins í sumar þegar Viktor Gísli Hallgrímsson og Torbjørn Bergerud hverfa á braut. Viktor Gísli til Nantes í Frakkland og Bergerud til Kolstad í Noregi. Auk Thulin mun  Mattias Rex, ungur og efnilegur markvörður, standa á milli stanganna hjá GOG á næsta vetri. 
  • Aleix Gómez skoraði sjö mörk og var markahæstur leikmanna Barcelona þegar þeir lögðu Bidasoa í úrslitum spænsku bikarkeppninnar í handknattleik karla á sunnudaginn, 37:29.
  • Svava Lind Gísladóttir hefur skrifað undir nýjan samning um að leika með Fjölni/Fylki í Grill66-deild kvenna á næsta keppnistímabili.

a>
- Auglýsing -

Nýjustu fréttir

- Auglýsing -