Molakaffi: Gómez, Gísli, Ómar, Cindric, Karacic, Haukur, Gubica, Milosevic, Gasmi-bræður

Dika Mem, Timothey N'Guessan (og Ludovig Fabregas leikmenn Barcelona verða í eldlínunni í úrslitaleik Meistaradeildar í dag. Mynd/EPA
  • Spænski hornamaðurinn Aleix Gómez og leikmaður Barcelona var í gær fyrsti handknattleiksmaðurinn til þess að skora fleiri en 10 mörk í undanúrslitaleik í Meistaradeildinni síðan núverandi fyrirkomulag var tekið upp árið 2010, þ.e. með undanúrslitaleikjum og úrslitaleikjum á einni helgi. Gómez skoraði 12 mörk fyrir Barcelona í öruggum sigri á Kiel, 34:30. 

  • Þýskalandsmeistarar SC Magdeburg með Gísla Þorgeir Kristjánsson og Ómar Inga Magnússon innanborðs, verða í Danmörku þegar líður á ágústmánuð við æfingar og keppni. M.a. er gert ráð fyrir að Magdeburg leiki vináttuleik Skanderborg Aarhus Håndbold 19. ágúst, eftir því sem danska félagið greinir frá með nokkru stolti. 
  • Að minnsta kosti einn króatískur handknattleiksmaður hefur tekið þátt í úrslitaleik Meistaradeildar Evrópu frá árinu 2012, samkvæmt því sem Daninn Rasmus Boysen bendir á. Í dag taka tveir Króatar þátt í úrslitaleiknum. Luka Cindric með Barcelona og Igor Karacic leikmaður Vive Kielce
  • Takist Hauki Þrastarsyni og samherjum í pólska meistaraliðinu Łomża Vive Kielce að vinna Barcelona í úrslitaleik Meistaradeildar Evrópu í handknattleik í dag verður um að ræða þriðja sigur liðsins í röð á Barcelona. Aðeins einu sinni hefur Barcelona tapað fyrir sama andstæðingnum þrisvar í röð innan sama keppnistímabils. Það átti sér stað leiktíðina 2008/2009 þegar THW Kiel vann Barcelona þrisvar í röð.

  • Króatarnir Marija Gubica og Boris Milosevic dæma úrslitaleik Meistaradeildar Evrópu sem fram fer klukkan 16 í dag á milli Barcelona og Łomża Vive Kielce. Barcelona leikur til úrslita í keppninni þriðja árið í röð. Łomża Vive Kielce hefur einu sinni komist í úrslitaleik Meistaradeildar. Liðið vann þá Veszprém, 39:38, að lokinni vítakeppni eftir að hafa verð níu mörkum undir þegar á milli 10 og 15 mínútur voru til leiksloka. 
  • Frönsku bræðurnir Karim og Raouf Gasmi dæma leikinn um bronsverðlaun en í honum eigast við THW Kiel og Veszprém. Bræðurnir dæmdu hér  á landi í mars síðari viðureign Íslands og Austurríkis í umspili um keppnisrétt á HM á næsta ári. 


- Auglýsing -

Nýjustu fréttir

- Auglýsing -