Molakaffi: Guðrún, Bára Björg, Myrhol, Omar, Borozan

Guðrún Þorláksdóttir handknattleikskona hjá Gróttu. Mynd/Grótta
  • Guðrún Þorláksdóttir hefur skrifað undir nýjan tveggja ára samning við Gróttu sem leikur í Grill66-deildinni. Guðrún er 24 ára gömul og leikur sem línumaður Hún hefur leikið með meistaraflokki Gróttu undanfarin sex ár og er einn reynslumesti leikmaður liðsins með 110 leiki. Guðrún glímdi við meiðsli stóran hluta síðasta tímabils en er óðum að ná fullum styrk, segir í tilkynningu handknattleiksdeildar Gróttu í gær. 

  • Bára Björg Ólafsdóttir hefur skrifað undir tveggja ára samning við handknattleiksdeild FH. Bára Björg, sem verður 18 ára í sumar er markvörður. Hún lék með FH-liðinu seinni hluta síðasta tímabils, var í láni frá HK.
  • ASV Hamm-Westfalen fylgir Gummersbach upp í 1. deild þýska handknattleiksins á næstu leiktíð. Hamm vann Grosswallstadt í næst síðustu umferð deildarinnar í gærkvöld og á þar með víst annað sæti deildarinnar fyrir lokaumferðina í 2. deild. Hamm lék í eina skiptið til þessa í efstu deild leiktíðina 2010/2011. Þá var Einar Hólmgeirsson á meðal leikmanna liðsins. 
  • Norðmaðurinn Bjarte Myrhol sem lagði handknattleiksskóna á hilluna eftir Ólympíuleikana á síðasta ári hefur blásið rykið af skónum og samið við THW Kiel í Þýskalandi. Myrhol leikur með þýska liðinu út leiktíðina m.a. í úrslitum Meistaradeildar Evrópu í Köln 18. og 19. júní. Honum er ætlað að hlaupa að einhverju leyti í skarðið fyrir Hendrick Pekeler sem meiddist á dögunum.

     
  • Egyptinn Yahia Omar skoraði sigurmark Veszprém á Pick Szeged, 29:28, í fyrsta úrslitaleik liðanna um ungverska meistaratitilinn í handknattleik karla í gærkvöld. Leikurinn fór fram í Pick Arena í Szeged. 
  • Vuko Borozan hefur samið við RK Zagreb í annað sinn á ferlinum. Hann lék um skeið með félaginu fyrir nærri áratug en réri á önnur mið fyrir átta árum. Síðan hefur skyttan öfluga m.a. leikið með Metalurg, Vardar, Veszprém og síðast Al Arabi í Katar.

a>
- Auglýsing -

Nýjustu fréttir

- Auglýsing -