- Auglýsing -

Molakaffi: Hannes Jón, Donni, Ágúst Elí, Møller, Nenadic

Hannes Jón Jónsson, þjálfari Alpla Hard í Austurríki. Mynd/Alexandra Köß
  • Hannes Jón Jónsson og lærisveinar hans í austurríska meistaraliðinu Alpla Hard unnu HSG Graz með 13 marka mun á heimavelli í gær, 35:22. Þar með komst Hard-liðið í efsta sæti austurrísku 1. deildarinnar á nýjan leik með 19 stig eftir 12 leiki. Bregenz og Krems eru skammt á eftir með 18 stig hvort og eiga leik inn á Hard.
  • Ekkert varð af viðureign PAUC, sem Kristján Örn Kristjánsson leikur með, og Saran í frönsku 1. deildinni í handknattleik í gærkvöld. Leiknum var slegið á frest sökum þess að kórónuveiran knúði dyra í herbúðum nýliða Saran. 
  • Ágúst Elí Björgvinsson náði sér ekki á strik í gærkvöld með Kolding í dönsku úrvalsdeildinni þegar liðið gerði jafntefli við Ringsted, 34:34, á útivelli. Ágúst Elí varði 2 skot þann tíma sem hann var í markinu, 12,5%. Kolding er í 11. sæti með átta stig eftir 13 leiki en 15 lið eru í deildinni á þessari leiktíð. 
  • Michala Møller, 21 árs leikmaður Team Esbjerg, hefur verið kölluð inn í danska landsliðið í handknattleik sem tekur þátt í HM. Møller, sem hefur aldrei leikið með A-landsliðinu, kemur inn í hópinn í stað Miju Rej sem meiddist alvarlega á hné í viðureign Danmerkur og Túnis í fyrstu umferð HM á fimmtudagskvöld. Møller sagði í samtali við TV2 í heimalandinu að hún hafi verið búin að taka á sig náðir á fimmtudagskvöld þegar Jepser Jensen, landsliðsþjálfari sló á þráðinn og sagði henni að koma til Spánar með fyrstu vel í gærmorgun. 
  • Petar Nenadic leikmaður Veszprém leikur ekkert meira með liðinu á þessu ári vegna meiðsla. Vonir standa til að hann verði klár í slaginn með serbneska landsliðinu á EM sem hefst um miðjan janúar.
- Auglýsing -
- Auglýsing -

Nýjustu fréttir

- Auglýsing -