Molakaffi: Hefndu fyrir tapið, sigur og tap á Jótlandi og í Heiðmörk

Aðalsteinn Eyjólfsson, þjálfari Kadetten Schaffhausen í Sviss. Mynd/Kadetten Schaffhausen
  • Aðalsteinn Eyjólfsson og lærisveinar hans í Kadetten Schaffhausen komust í gærkvöld í undanúrslit í bikarkeppninni í Sviss. Kadetten vann öruggan sigur á Suhr Aarau, 26:17, á heimavelli og náði þar með að hefna fyrir ósigur í deildinni í síðustu viku þegar Aarau-liðið vann með tveggja marka muna. 
  • Ágúst Elí Björgvinsson, markvörður, og samherjar í KIF Kolding unnu kærkominn sigur á útivelli í gærkvöld þegar þeir sóttu Skanderborg heim, 29:25. Ágúst Elí kom nær ekkert við sögu í leiknum en félagi hans, Tim Winkler, varði allt hvað af tók, alls 15 skot sem gerði ríflega 39% hlutfallsmkarkvörslu. Kolding, sem var með yfirhöndina í leiknum frá upphafi og var fjórum mörkum yfir í hálfleik, 17:13, er eftir sem áður í níunda sæti af 14 liðum deildarinnar en fjarlægðist liðin í kjallaranum sem var fyrir mestu.
  • Thea Imani Sturludóttir náði ekki að skorað þegar lið hennar Århus United tapaði á útivelli fyrir efsta liði dönsku úrvalsdeildarinnar, Viborg, 30:27. Thea átti þrjú markskot í leiknum.  Århus er í sjötta sæti deildarinnar með níu stig eftir átta leiki. Viborg er með fullt hús stiga að loknum átta viðureignum. 
  • Halldór Stefán Haraldsson og lið hans Volda eru úr leik í norsku bikarkeppninni í kvennaflokki eftir 13 marka tap fyrir Storhamar á útivelli í gær, 33:18, í 16-liða úrslitum. Sara Dögg Hjaltadóttir skoraði fjögur mörk fyrir Volda.  Hilmar Guðlaugsson er aðstoðarþjálfari Volda. Leikið var í Hamri í Heiðmörk.
- Auglýsing -

Nýjustu fréttir

- Auglýsing -