Molakaffi: Hleypur á snærið hjá „El Gigante“, Ungverji í stað Quintana, Tønnesen flytur

Gauthier Mvumbi línumaður Kongo í hörðum slag í leik á HM. Mynd/EPA
  • Gauthier Thierry Mvumbi eða „El Gigante“ línumaður Kongó sló hressilega í gegn á HM í Egyptalandi í janúar og skoraði m.a. 20 mörk í 23 skotum. Einnig var hann vinsæll á samfélagsmiðlum fyrir líflega framkomu.  Nú mun vera að hlaupa á snærið hjá kappanum sem mun vera með tilboð frá spænska 1. deildarliðinu Cangas. Mvumbi leikur nú með Dreux sem er í 4. deild í Frakklandi. 
  • Franski landsliðsmaðurinn Elohim Prandi leikur ekki með franska landsliðinu í forkeppni Ólympíuleikanna um aðra helgi. Hann meiddist á ökkla í viðureign PSG og Elverum í Meistaradeild Evrópu í fyrrakvöld. 
  • Ungverski markvörðurinn Márton Székely er á leið til Porto frá Veszprém. Székely er ætla að koma í stað Alfredo Quintana sem lést á föstudaginn.
  • Norski landsliðsmaðurinn Kent Robin Tønnesen kveður Veszprém í sumar og gengur til liðs við erkifjendurna í Pick Szeged. Tønnesen hefur skrifað undir tveggja ára samning við Szeged.
  • Josip Šarac, leikmaður Celje og króatíska landsliðsins, verður liðsmaður Göppingen í Þýskalandi frá og með næsta sumri. 
  • Christian Sprenger, aðstoðarþjálfari THW Kiel, hefur framlengt samning sinn við félagið til ársins 2023. 
  • Tékkneska landsliðskonan Markéta Jeřábková markahæsti leikmaður þýsku 1. deildarinnar hefur samið við norska liðið Vipers Kristiansand frá og með næstu leiktíð. Jeřábková  leikur nú með Thüringer.
- Auglýsing -

Nýjustu fréttir

- Auglýsing -