Molakaffi: Jakobsen, Sagosen, Anton, Jónas, Branquinho, Hansen

Norski handknattleiksmaðurinn hafði ekki ástæðu til að fagna í leikslok í gærkvöld. Mynd/EPA
  • Heimsmeistarar Danmerkur í handknattleik karla unnu Norðmenn, 31:28, í fyrsta leik liðanna á fjögurra liða móti í Trondheim Spektrum í gær. Viðureign Frakka og Hollendinga sem fram átti að fara í gærkvöldi var felld niður. Emil Jakobsen skoraði fimm mörk fyrir danska landsliðið sem er án nokkurra af sínum helstu stjörnum. Sander Sagosen skoraði 11 mörk fyrir norska landsliðið. 
  • Sænska karlalandsliðið lagði það pólska, 31:24, í vináttuleiksleik í Malmö í gærkvöld. Anton Gylfi Pálsson og Jónas Elíasson dæmdu leikinn af alkunnri röggsemi. 
  • Diogo Branquinho skoraði sjö mörk og var markahæstur hjá landsliði Portúgals sem vann Lúxemborg í gær, 39:21, í vináttulandsleik. Portúgal verður með íslenska landsliðinu í riðli á EM og fyrstu andstæðingurinn á mótinu.  Portúgalska landsliðið heldur nú til Þýskalands hvar það mætir lærisveinum Alfreðs Gíslasonar í kvöld og á sunnudaginn. 
  • Danski landsliðsmaðurinn Henrik Toft Hansen hefur skrifað undir nýjan samning við frönsku meistarana PSG sem gildir fram á mitt ár 2023.
- Auglýsing -

Nýjustu fréttir

- Auglýsing -