Molakaffi: Janus Daði, Aron Dagur, Orri Freyr, Kurtović, Barcelona, Veszprém

Janus Daði Smárason landsliðsmaður og leikmaður Göppingen. Mynd/Hafliði Breiðfjörð
  • Janus Daði Smárason skoraði tvö mörk og átti eina stoðsendingu þegar lið hans, Göppingen, vann Hannover-Burgdorf á heimavelli í gær, 31:25, í þýsku 1. deildinni í handknattleik í gær.  Göppingen var tveimur mörkum yfir í hálfleik, 15:13. Göppingen er í fimmta sæti deildarinnar og í baráttu um sæti í Evrópukeppni á næstu leiktíð.
  • Aron Dagur Pálsson og Orri Freyr Þorkelsson skoruðu sitt markið hvor fyrir Elverum þegar liðið vann Bækkelaget, 34:25, í fyrstu viðeign liðanna í átta liða úrslitum úrslitakeppninnar í norsku úrvalsdeildinni í gær. Leikið var í Elverum.
  • Norska handknattleikskonan Amanda Kurtović flytur heim í sumar og leikur á ný með Larvik frá og með næsta keppnistímabili. Kurtović hefur síðustu ár leikið með CSM Búkarest, Györ í Ungverjalandi og nú um þessar mundir er hún hjá  Dunărea Brăila í Rúmeníu. Frægðarsól Kurtović hefur sigið undanfarin ár og til að mynda hefur hún ekki leikið með norska landsliðinu í tvö ár. 
  • Evrópumeistarar Barcelona í handknattleik karla unnu spænska meistaratitilinn í handknattleik um helgina. Félagið varð spænskur meistari í 12. sinn í röð og 29. skipti alls. Enn eru fimm umferðir eftir en 11 stiga munur er á Barcelona og Granolles sem er í öðru sæti. Barcelona hefur unnið 24 af 25 leikjum sínum í deildinni. 
  • Veszprém var ungverskur bikarmeistari í handknattleik karla um helgina. Liðið vann Veszprémi KKFT, 42:19, í úrslitaleik í gær eftir að hafa unnið höfuð andstæðinginn, Pick Szeged, í undanúrslitum á laugardaginn, 30:27. Bjarki Már Elísson gengur til liðs við Veszprém í sumar.
- Auglýsing -

Nýjustu fréttir

- Auglýsing -