- Auglýsing -

Molakaffi: Janus, Grétar, Ágúst, Felix, Arnar, Finnur, Johansson, Mathe, Hinrik Hugi

Janus Daði Smárason leikmaður íslenska landsliðsins og norska liðsins Kolstad. Mynd/Hafliði Breiðfjörð
  • Janus Daði Smárason tognaði á nára í fyrsta leik Göppingen í Þýskalandi eftir Evrópumótið í síðasta mánuði og hefur hann af þeim sökum ekki tekið þátt í þremur síðustu leikjum liðsins í þýsku 1. deildinni.
  • Grétar Ari Guðjónsson og félagar í Nice gerðu jafntefli við Caen, 28:28, í frönsku 2.deildinni í handknattleik í gærkvöldi á heimavelli. Nice er í sjöunda sæti deildarinnar en Caen er næst á eftir. Grétar Ari varði átta skot, 28%, þann tíma sem hann stóð í marki Nice.
  • Íslendingar verða í eldlínunni í kvöld þegar leikið verður til úrslita í færeysku bikarkeppninni í handknattleik. Neistin mætir H71 í úrslitum í karlaflokki en með Neistanum leika Ágúst Ingi Óskarsson og Felix Már Kjartansson auk þess sem Arnar Gunnarsson er þjálfari liðsins. Aðstoðarþjálfari er Finnur Hansson. Lið sömu félagar mættust í úrslitum bikarkeppninnar fyrir ári. H71 vann þá naumlega, 24:23.
  • Sænski landsliðsmaðurinn Eric Johansson hefur samið við Kiel. Hann kemur til félagsins um mitt árið frá norska meistaraliðinu Elverum. Johansson samdi til þriggja ára við Kiel. Hann er 21 árs gamall og fæddur í Eskilstuna.
  • Dominik Mathe leikur ekki meira með Elverum á leiktíðinni. Hann meiddist alvarlega á hné í viðureign Elverum og Kiel í Meistaradeild Evrópu á fimmtudagskvöldið. Elverum greindi frá því í gær að Ungverjinn mæti ekki til leiks fyrr en á næsta keppnistímabili.
  • Línumaðurinn efnilegi Hinrik Hugi Heiðarsson lék sinn fyrsta meistaraflokksleik með ÍBV á fimmtudagskvöldið þegar ÍBV vann Kórdrengi, 30:21, í 16-liða úrslitum Coca Cola-bikarsins í handknattleik í Digranesi á fimmtudagskvöld.
- Auglýsing -
- Auglýsing -

Nýjustu fréttir

- Auglýsing -