Molakaffi: Kassoma, annað markamet á ÓL, Mortensen

Albertina Kassoma í dauðfæri í leik Angóla á Noregs á HM 2019. Mynd/EPA
  • Albertina da Cruz Kassoma, hin sterka línukona Afríkumeistara Angóla og CS Rapid Búkarest, meiddist á hné í síðari hálfleik viðureignar Angóla og Noregs á Ólympíuleikunum í gær. Hún var borin af leikvelli en náði að fylgjast með síðustu mínútum leiksins af hliðarlínunni með kæliumbúðir á hnénu. Óttast er jafnvel að hún hafi slitið krossband.
  • Aldrei hafa verið skoruð fleiri mörk í handboltaleik á Ólympíuleikum en í gær þegar Holland vann Suður Kóreu í A-riðli í kvennaflokki, 43:36. Þetta gerir mark á 34 sekúndna fresti í leiknum. Fyrra met var sett á laugardaginn þegar Danmörk vann Japan í karlaflokki, 47:30. Fyrra met í kvennaleik var frá leikunum í Ríó fyrir fimm árum þegar Rússland vann Noreg, 38:37, í undanúrslitum.


Í gær var staðfest að danski hornamaðurinn Casper Mortensen verður liðsmaður HSV Hamburg, nýliða þýsku 1. deildarinnar, á næsta keppnistímabili. Óstaðfestar fregnir bárust í síðustu viku að Daninn væri á leið til Hamborgar. Hann hefur undanfarin tvö ár leikið með Barcelona en meiðsli settu verulega strik í veru hans hjá Katalóníurisanum.

a>
- Auglýsing -

Nýjustu fréttir

- Auglýsing -