Molakaffi: Kusners fór á kostum, Díana Dögg, Grbic, Bruun

Endijs Kusners, bláklæddur, í leik með Latgols í Lettlandi áður en hann gekk til liðs við Hörð. Mynd/Aðsend
  • Endijs Kusners leikmaður Harðar á Ísafirði fór á kostum með U19 ára landslið Letta í B-deild Evrópumóts landsliða sem lauk í Ríga sunnudaginn. Kusners  skoraði 46 mörk í fjórum leikjum lettneska landsliðsins og varð markahæstur í keppninni. Lettum tókst ekki að vinna sér sæti í A-deild keppninnar. Þeir höfnuðu í fjórða sæti af sjö liðum sem tóku þátt í þessum hluta B-deildarinnar en hún var leikin í þremur hlutum. Svartfellingar unnu keppnina í Riga.
  • Díana Dögg Magnúsdóttir og samherjar hennar í BSV Sachsen Zwickau unnu um helgina fjögurra liða mót sem leikið var til undirbúnings fyrir næsta keppnistímabil. Tvö 2. deildarlið lágu í valnum auk 1. deildar liðsins Union Halle Neustadt. BSV Sachsen Zwickau leikur í 1. deild á næsta keppnistímabili eftir aldarfjórðung í 2. deild. Keppni hefst í 1. deild laugardaginn 4. september. BSV Sachsen Zwickau mætir Baník Most frá Tékklandi í æfingaleik á heimavelli á föstudaginn. 
  • Svartfellska handknattleikskonan  Itana Grbic gekk á dögunum óvænt til liðs við ungverska liðið FTC í Ungverjalandi. Grbic var síðast í herbúðum Buducnost í heimalandi sínu.
  • Michael Bruun, fyrrverandi landsliðsmarkvörður Dana, hefur verið ráðinn markvarðaþjálfari þýska liðsins Flensburg-Handewitt. Bruun verður áfram markvarðaþjálfari danska karlalandsliðsins samhliða nýju starfi hjá Flensburg. Bruun tekur við starfinu hjá Flensburg af Jan Holpert.
- Auglýsing -

Nýjustu fréttir

- Auglýsing -