- Auglýsing -
- Danski landsliðsmarkvörðurinn og handknattleiksmaður ársins 2019, Niklas Landin, leikur ekki með þýska meistaraliðinu THW Kiel næstu sex vikur vegna meiðsla sem hann varð fyrir í upphitun fyrir viðureign Kiel og Zagreb í Meistaradeild Evrópu á síðasta fimmtudag. Dario Quenstedt mun verða aðalmarkvörður Kiel á meðan. Honum til halds og trausts verður markvörður ungmennaliðs Kiel.
- Það mun vera liðþófi í öðru hné Landins sem er að gera honum gramt í geði um þessar mundir.
- Kiel hefur framlengt samning sinn við Tékkann Filip Jicha um þjálfu liðsins. Nýi samningurinn verður í gildi til loka júní 2023. Jicha tók við þjálfun Kiel af Alfreð Gíslasyni sumarið 2019.
- Birta Rún Grétarsdóttir og samherjar hennar í norska úrvalsdeildarliðinu Oppsal hafa öðlast þátttökurétt í átta liða úrslitum í norsku bikarkeppninni í handknattleik. Oppsal vann Nordstrand, 30:28, í 16-liða úrslitum á heimavelli í Nordstrand í fyrrakvöld. Leikurinn var hnífjafn en Birta Rún og samherjar mörðu sigur í lokin.
- Hinn þekkti króatíski handknattleiksmaður Zlatko Horvat yfirgaf óvænt uppeldisfélag sitt RK Zagreb í sumar og skrifaði undir eins árs samning við Metalurg í Norður-Makedóníu.
- Auglýsing -
