Molakaffi: Mæta Pólverjum í dag, Arnór, Hansen, slæmur brandari

Mynd/Hafliði Breiðfjörð
  • U18 ára landslið karla í handknattleik hefur keppni á Evrópumeistaramótinu í Svartfjallalandi í dag. Fyrsta viðureign íslensku piltanna verður við Pólverja. Flautað verður til leiks klukkan 13.45. Handbolti.is fylgist með leikjum íslenska landsliðsins í textalýsingu. Einnig verður hægt að horfa leikina endurgjaldslaust á ehfttv.com.
  • Íslenska landsliðið kom til Podgorica í fyrrakvöld og nýtti daginn í gær til þess að búa sig sem best undir fyrsta leikinn. Mikill hiti er Podgorica þessa dagana og má reikna með að reyni mjög á að leika innandyra í borginni næstu dagana.

  • Jan Larsen framkvæmdastjóri Aalborg Håndbold segir að nokkrum sinnum hafi víur verið bornar í Arnór Atlason aðstoðarþjálfara liðsins áður en sá síðarnefndi ákvað að semja við Holstebro á dögunum um að verða þjálfari liðsins frá og með sumrinu 2023. „Félög hafa sýnt Arnóri áður áhuga. Í þau skipti hefur það hvorki hentað honum né okkur. Við því er ekkert að gera og reyndar er það eðlilegt þegar um efnilegan þjálfara er að ræða eins og Arnór að hann vilji sanna sig,” sagði Larsen við Nordjyske. Arnór hefur verið aðstoðarþjálfari Aalborg frá 2018 þegar hann lagði keppnisskóna á hilluna. 
  • René Toft Hansen gerir sér vonir að fá nýjan samning hjá BjerringbroSilkeborg áður en núverandi samningur rennur út á næsta ári. Hansen er 37 ára gamall og þrautreyndur landsliðsmaður. Hann lék lengst af utan Danmerkur m.a. hjá Kiel en síðast var Hansen hjá Benfica áður en að flutningi heim kom sumarið 2020. 

  • Danski handknattleikssérfræðingurinn  Lars Rasmussen  segist vonast til þess að harpixlausi boltinn sem leikið er með á HMU18 ára landsliða kvenna verða notaður í fyrsta og síðasta sinn á HM sem fram fer í Skopje þessa dagana. Rasmussen  segir það að banna harpix færa handknattleik aftur á steinöld og tilkoma boltans sé í raun afleitur brandari. 
- Auglýsing -

Nýjustu fréttir

- Auglýsing -