Molakaffi: Meistararnir eru nýjasta fórnarlambið, liðsfélagi Bjarka úr leik á HM, GOG leikur kvöld eftir kvöld

Niklas Landin hefur samið við Kiel ársins 2025. Mynd/EPA
  • Þýska meistaraliðið THW Kiel er nýjast fórnarlamb kórónuveirunnar. Í gær kom upp úr dúrnum að hún hefur stungið sér niður í herbúðir liðsins. Tveir leikmenn greindust smitaðir við skimun. Af þeim sökum var leik Kiel og dönsku meistaranna Aalborg sem fram átti að fara í Kiel í kvöld frestað um óákveðinn tíma. 
  • Sömu sögu er að segja af viðureign Celje frá Slóveníu og króatísku meistaranna Zagreb. Viðureign þeirra í Meistaradeild var einnig frestað þar sem kórónuveira hefur leikið menn grátt í herbúðum Zagreb-liðsins. 
  • Þýski landsliðsmaðurinn Tim Suton og samherji Bjarka Más Elíssonar hjá þýska liðinu Lemgo leikur ekki með þýska landsliðinu á HM í Egyptalandi í næsta mánuði. Suton sleit krossband í hné undir lok leiks Magdeburg og Lemgo á sunnudaginn. Hann er annar þýski landsliðsmaðurinn sem slítur krossband á innan við viku. Frank Samper leikmaður Flensburg varð fyrir sama óláni í viðureign Flensburg og Szeged á síðasta fimmtudag.
  • Viktor Gísli Hallgrímsson og félagar í GOG léku við Tatabanya í gærkvöld í Evrópudeildinni í handknattleik. Liðin mætast öðru sinni í kvöld í sömu keppni. Ástæða þess að svo þétt er leikið sem raun ber vitni er að nokkrum leikjum beggja liða hefur verið frestað síðustu vikur og mánuði vegna veirunnar. GOG vann leikinn í gær, 35:32. Báðar viðureignir fara fram á heimavelli GOG í Gudme á Fjóni.
- Auglýsing -

Nýjustu fréttir

- Auglýsing -