Molakaffi: Møller ár í burtu, Sävehof meistari, Viborg í úrslit, Kaludjerović í stað Hildigunnar

Lasse Møller í leik með GOG á síðustu leiktíð. Hann skipti yfir til Flensburg í sumar en er kominn á sjúkrlista. Mynd/EPA
  • Danski handknattleiksmaðurinn Lasse Møller hefur verið einstaklega óheppinn með meiðsli síðan hann gekk til liðs við Flensburg á síðasta sumri. Eftir nokkra góða leiki í haust meiddist hann á handlegg og varð að fara í aðgerð af þeim sökum. Á æfingu með danska landsliðinu í byrjun árs meiddist hann á hné sem hefur haldið honum talsvert frá keppni. Nú er ástandið orðið svo slæmt að hann hann er á leið í aðgerð á hnénu og verður frá keppni næstu 10 til 12 mánuði. 
  • Sävehof varð í gærkvöld sænskur meistari í handknattleik karla þegar liðið vann Bjarna Ófeig Valdimarsson og samherja í Skövde í þriðja úrslitaleik liðanna, 30:27, en leikið var í Partille, heimavelli Sävehof. Bjarni Ófeigur skoraði ekki mark í leiknum. 
  • Óhætt er að segja að Sävehof sé verðskuldaður sænskur meistari. Liðið vann níu leiki í úrslitakeppninni og tapaði engum. Auk Skövde lágu leikmenn Lugi og Guif í valnum eftir að hafa mætt leikmönnum  Sävehof sem unnu sænska meistaratitilinn fyrir tveimur árum og þá nokkuð óvænt. Ágúst Elí Björgvinsson var markvörður liðsins á þeim tíma. 
  • Viborg leikur við Odense Håndbold til úrslita í dönsku úrvalsdeildinni í handknattlleik kvenna. Viborg vann Herning-Ikast, 28:27, í oddaleik liðanna í undanúrslitum í Ikast á Jótlandi. Odense vann ríkjandi meistara Esbjerg í tveggja leikja einvígi sem lauk um síðustu helgi. 
  • Tyrkneska handknattleikskonan Marija Kaludjerović hefur samið við þýska liðið Bayer Leverkusen fyrir næsta keppnistímabil. Kaludjerović er 26 ára gömul og kemur frá Izmir Büyükşehir Belediyesi í heimalandi sínu og á að leysa Hildigunni Einarsdóttur af. Hildigunnur flytur heim til Íslands í sumar og hefur samið við Val.
- Auglýsing -

Nýjustu fréttir

- Auglýsing -