Molakaffi: Mørk, Hreiðar, Daníel, Álaborg og Hanusz

Nora Mörk verður í fríi frá handboltaleikjum eitthvað áfram. Mynd/EPA
  • Nora Mørk leikur ekki með Vipers Kristiansand á næstunni meðan hún jafnar sig eftir að hafa fundið til verkja í hné í kappleik með liðinu í Meistaradeild Evrópu á dögunum. Þjálfari liðsins segir mjög hæpið að Mørk taki þátt í leikjum Vipers við Odense Håndbold í 16-liða úrslitum Meistaradeildarinnar 7. og 14. mars.
  • Til viðbótar bendir allt til þess að Mørk leiki heldur ekki með norska landsliðinu í forkeppni Ólympíuleikanna 19. – 21. mars en þá leika Evrópumeistarar Noregs við Rússland, Svartfjallaland og Tæland um tvö sæti í handknattleikskeppni Ólympíuleikanna sem til stendur að fari fram í sumar. 
  • Hreiðar Levý Guðmundsson var í fyrsta sinn á leikskýrslu hjá Val í gær í Olísdeildinni þegar Valsmenn unnu stórsigur á Aftureldingu í Origohöllinni. Landsliðsmarkvörðurinn fyrrverandi þurfti ekki að láta til sín taka í leiknum vegna þess að Ungverjinn, Martin Nágy, fór á kostum í marki Vals og varði 21 skot. 
  • Samherji Hreiðars Levý á síðustu leiktíð hjá Val, Daníel Freyr Andrésson, lék afar vel í marki Guif í gærkvöld þegar liðið vann Hallby í sænsku úrvalsdeildinni, 30:25, á útivelli. Daníel Freyr varði 16 skot og var með liðlega 39% hlutfallsmarkvörslu að þessu sinni. 
  • Danska meistaraliðið í karlaflokki í handknattleik, Aalborg Håndbold, setti um helgina 500 ársmiða í sölu fyrir næsta keppnistímabil. Miðarnir runnu út eins og heitar lummur á innan við tveimur sólarhringum. Félagið hyggst setja fleiri miða í sölu fljótlega.
  • Miðjumaðurinn Egon Hanusz gengur til liðs við Viggó Kristjánsson og samherja í Stuttgart í sumar. Hanusz kemur til félagsins frá Csurgói KK í Ungverjalandi.
- Auglýsing -

Nýjustu fréttir

Molakaffi: Sigur hjá Daníel Frey, Porto tekur númer 1 úr umferð, naumt tap

Daníel Freyr Andrésson varði 8 skot og var með 33 % markvörslu þann tíma sem hann stóð í marki Guif í gærkvöld...

Harðarmenn gáfu Kríunni ekkert eftir

Leikmönnum Harðar á Ísafirði vex fiskur um hrygg með hverjum leiknum sem þeir leika í Grill 66-deild karla í handknattleik. Þeir hafa...

Enn einn stórsigur HK

HK-liðið hefur verið á sigurbraut um nokkurt skeið í Grill 66-deild karla í handknattleik. Á því varð engin breyting í kvöld þegar...
- Auglýsing -