Molakaffi: Morros, Kovacsics, Lacrabère á heimleið, Ghedbane, Syprzak

Viran Morros, fyrir miðri mynd,tekur ekki þátt í fleiri leikjum á Ólympíuleikunum í Tókýó. Mynd/EPA
  • Viran Morros meiddist í viðureign Spánar og Brasilíu á Ólympíuleikunum í gær. Samkvæmt Marca tekur Morros ekki þátt í fleiri leikjum með spænska landsliðinu á leikunum. Sú staðreynd er mikið áfall fyrir spænska landsliðið enda er Morros þeirra sterkasti varnarmaður. 
  • Alsírski landsliðsmarkvörðurinn Khalifa Ghedbane  hefur gengið til liðs við Dinamo Búkarest og er þar með enn einn leikmaðurinn sem nýr þjálfari liðsins, Xavi Pascual krækir í eftir að hann var ráðinn á vordögum eftir skyndilega starfslok hjá Barcelona. Ghedbane  hefur verið undanfarin tvö ár hjá Ademar León en var þar á áður hjá Vardar Skopje og var m.a. í sigurliði Meistaradeildar Evrópu vorið 2019.
  • Anikó Kovacsics meiddist á öxl á æfingu ungverska landsliðsins í gær og tekur ekki þátt í fleiri leikjum á Ólympíuleikunum. Þetta kom fram í fréttatilkynningu sem ungverska handknattleikssambandið sendi frá sér síðdegis í gær. 
  • Eins hefur franska handknattleikskonan Alexandra Lacrabère yfirgefið Tókýó og haldið heim á leið vegna meiðsla. 
  • Pólski línumaðurinn Kamil Syprzak  var valinn leikmaður tímabilsins hjá franska liðinu PSG. Stuðningsmenn félagsins tóku þátt í kosningunni sem fram fór á netinu Dylan Nahi varð annar og Hollendingurinn Luc Steins þriðji. Hann kom til félagsins í nóvember þegar Nikola Karabatic meiddist.
a>
- Auglýsing -

Nýjustu fréttir

- Auglýsing -