Molakaffi: Navarro, Budalic, Þyri Erla, ikke håndbolddamer

Mynd/Hafliði Breiðfjörð
  • Spænski landsliðsmarkvörðurinn Silvia Navarro er alls ekki á þeim buxunum að rifa seglin þótt hún sé orðin 43 ára gömul. Navarro hefur skrifað undir framlengingu á samningi sínum við Rocasa Gran Canaria, sigurlið Evrópubikarkeppninnar í handknattleik kvenna. Navarro hefur leikið með liðinu í níu ár en 24 ár eru liðin síðan hún lék sinn fyrsta landsleik fyrir Spán. 
     
  • Króatískur markvörður, Ivan Budalic, hefur samið við HSV Hamburg. Budalic hefur upp á síðkastið staðið vaktina hjá Limoges í Frakklandi
  • Þriðji markvörðurinn, Þyri Erla Sigurðardóttir, hefur skrifað undir nýjan samning við Fjölni/Fylki fyrir átökin í Grill66-deildinni á næsta keppnistímabili. 
  • Danska handknattleikssambandið hefur tilkynnt að framvegis skuli kvennalandsliðið í handknattleik ekki kallað håndbolddamerne í fjölmiðlum í Danmörku. Þess í stað skal talað um Håndboldkvinderne. Damerne og Damehold þykir vera gamaldags. Breytingin er sett fram að höfðu samráði við leikmenn kvennalandsliðsins. 
a>
- Auglýsing -

Nýjustu fréttir

- Auglýsing -