Molakaffi: Ómar Ingi, Ágúst Ingi, Zhukov, við suðumark, bikarmeistari

Ómar Ingi Magnússon er í liði 31. umferð þýska handknattleiksins. Mynd/Hafliði Breiðfjörð
  • Ómar Ingi Magnússon var vitanlega í liði 22. umferðar í þýsku 1. deildinni sem fram fór um nýliðna helgi. Ómar fór með himinskautum þegar Magdeburg vann Lemgo, 44:25. Hann skoraði m.a. 15 mörk og átti níu stoðsendingar. 
  • Ágúst Ingi Óskarsson skoraði fjögur mörk fyrir Neistan þegar liðið tapaði með átta marka mun fyrir VÍF í Vestmanna á sunnudaginn í færeysku úrvalsdeildinni í handknattleik, 32:24. Leikið var í Vestmanna. Felix Már Kjartansson lék ekki með Neistanum að þessu sinni. 
  • Úkraínski landsliðsmaðurinn í handknattleik karla, Stanislav Zhukov, hefur slitið samning sínum við CSKA Moskvu og yfirgefið Rússland. Zhukov er kominn til Þýskalands ásamt fjölskyldu sinni. 
  • Hollenska handknattleiksstjarnan Estavana Polman hefur átt í útistöðum við forráðamenn danska úrvalsdeildarliðsins Esbjerg síðustu mánuði. Fyrir vikið hefur hún verið úti í kuldanum síðustu vikur til viðbótar við að hafa ekki jafnað sig af krossbandaslitum sumar 2020.
  • Í úrslitaleik dönsku bikarkeppninnar  á sunnudaginn náði deila Polman og Esbjerg upp á nýtt stig þegar móðir hennar hellti sér yfir stjórnanda félagsins í áhorfendastúkunni á úrslitaleik Esbjerg og Odense. Sauð á konunni þar sem hún talaði yfir hausamótum framkvæmdastjóra félagsins með tveimur hrútshornum eins og sjá mátti á myndum TV2 í Danmörku. Polman var kjölfestan í hollenska landsliðinu sem varð heimsmeistari 2019. 
  • Team Esbjerg varð á sunnudaginn bikarmeistari í handknattleik kvenna í handknattleik. Esbjerg vann Danmerkurmeistara Odense Håndbold, 32:21, í úrslitaleik
- Auglýsing -

Nýjustu fréttir

- Auglýsing -