- Auglýsing -

Molakaffi: Ómar Ingi, Hansen, Aron, Wanne, Sandell, Solé, Hernandez

Ómar Ingi Magnússon í leiknum við Noreg í gær þegar hann skoraði sitt 200. landsliðsmark.
  • Fyrsta markið af tíu sem Ómar Ingi Magnússon skoraði í leik Íslands og Noregs á Evrópumeistaramótinu í handknattleik í gær var hans 200. mark fyrir íslenska landsliðið. Um leið var þetta 64. landsleikur Ómars Inga.
  • Ómar Ingi er ennþá markahæstur á Evrópumótinu með 59 mörk. Hann er 12 mörkum á undan Mikkel Hansen, Danmörku, sem á einn leik eftir, gegn Frökkum á morgun. Fyrir utan að skora rúm sjö mörk í leik á mótinu þá átti Ómar Ingi 2,6 stoðsendingar að jafnaði í leik á EM.
  • Aron Kristjánsson, landsliðsþjálfari Barein í handknattleik karla, er kominn með lið sitt í undanúrslit á Asíumeistaramótinu í Sádi Arabíu hvar þeir mæta liði heimamanna í dag. Í hinni viðureign undanúrslitanna mætast Katar og Íran. Úrslitaleikirnir um verðlaunasætin þrjú fara fram á mánudaginn. Liðin fjögur er þegar komin með farseðil á HM sem fram fer á næsta ári. Suður Kórea og Írak eigast við í leiknum um 5. sæti mótsins en það gefur einnig þátttökurétt á HM.
  • Hampus Wanne og Lukas Sandell eru á meðal þeirra sænsku leikmanna sem ekki taka þátt í úrslitaleik EM gegn Spáni á morgun. Báðir greindust þeir með kórónuveiruna fyrir helgina. Ekki er útilokað að Niklas Ekberg og Felix Claar nái úrslitaleiknum en báðir eru þeir ennþá í einangrun.
  • Ferran Solé og Sergey Hernandez leikmenn spænska landsliðsins eru í einangrun. Sá síðarnefndi er þriðji markvörður Spánar og hefur ekkert komið við sögu á mótinu. Solé er hinsvegar öflugur hægri hornamaður og ljóst að skarð verður fyrir skildi í spænska landsliðinu í úrslitaleiknum á morgun verði hann ekki útskrifaður á morgun.
- Auglýsing -
- Auglýsing -

Nýjustu fréttir

- Auglýsing -