Molakaffi: Ómar Ingi, Veigar Snær, Böðvar Páll, Neagu, Benali

Ómar Ingi Magnússon. Mynd/SC Magdeburg
  • Ómar Ingi Magnússon, leikmaður Magdeburg, er í liði 11. umferðar þýsku 1. deildarinnar í handkattleik en greint var frá valinu á mánudaginn. Þetta er í fimmta sinn á keppnistímabilinu sem Selfyssingurinn er valinn í lið umferðarinnar. 
  • Veigar Snær Sigurðsson var nýverið lánaður til Fjölnis frá FH. Lánasamningur félaganna er til loka ársins. Veigar Snær lék sinn fyrsta leik með Fjölni á síðasta föstudag þegar Fjölnismenn unnu Þór Akureyri í Dalhúsum, 28:23. Veigar Snær skoraði tvö mörk í leiknum. 
  • Böðvar Páll Ásgeirsson handknattleiksmaður úr Aftureldingu hefur skipt yfir til danska 3. deildarliðsins Hvidovre IF sem er á Kaupmannahafnarsvæðinu. Böðvar Páll er ytra í framhaldsnámi og langaði til þess að vera með áfram í handboltanum enda ævinlega gaman að leika handknattleik í góðum félagsskap. 
  • Þekktasta handknattleikskona Rúmeníu og eins sú fremsta í heiminum, Cristina Neagu, er ekki í rúmenska landsliðinu sem valið var á dögunum og tekur þátt í heimsmeistaramótinu sem hefst á Spáni 1. desember. 
  • Barcelona hefur tekið Youssef Benali leikmann Al-Arabi í Katar á leigu út árið. Hann á að hlaupa í skarðið fyrir Luis Frade sem meiddist á dögunum og verður frá keppni í nokkrar vikur. Benali verður klár í slaginn með Barcelona á morgun þegar liðið tekur á móti Vive Kielce í Meistaradeild Evrópu. 
- Auglýsing -

Nýjustu fréttir

- Auglýsing -