Molakaffi: Orri Freyr, Aron Dagur , Ómar Ingi, Lindberg, KA, Zein

Orri Freyr Þorkelsson í leik með Elverum. Mynd/EPA
  • Hvorki Orri Freyr ÞorkelssonAron Dagur Pálsson skoruðu mark fyrir Elverum þegar liðið vann Arendal í fyrstu viðureign liðanna í úrslitum í úrslitakeppni norsku úrvalsdeildarinnar í handknattleik í gær. Leikið var í Elverum. Liðin mætast á ný á heimavelli Arendal á laugardaginn. 
  • Ómar Ingi Magnússon leikmaður Magdeburg er einn sjö handknattleiksmanna sem kemur til greina í vali á leikmanni maímánaðar í þýsku 1. deildinni. Hinir eru Kevin Möller, markvörður Flensburg, Emil Jakobsen vinstri hornamaður Flensburg, Sander Sagosen vinstri skytta hjá Kiel, Jim Gottfridsson miðjumaður Flensburg, Tim Zechel línumaður Erlangen og Hans Ottar Lindberg hægri hornamaður Füchse Berlin
  • Lindberg, sem stendur á fertugu hefur framlengt samning sinn við Füchse Berlin til eins árs. Hann er nú um stundir markahæsti leikmaður þýsku 1. deildarinnar með 217 mörk, fimm fleiri en Ómar Ingi Magnússon og er sjö mörkum framar en Bjarki Már Elísson
  • Handknattleiksdeild KA skrifaði á dögunum undir samning við Macron og munu KA og KA/Þór því leika í fatnaði frá Macron næstu fjögur árin. M-Sport verður þjónustuaðilinn fyrir Macron fatnaðinn fyrir norðan, segir í tilkynningu KA.
  • Egypski landsliðsmaðurinn Ali Zein hefur skrifað undir tveggja ára samning við Dinamo Búkarest. Zein hefur síðasta árið leikið með Barcelona.


- Auglýsing -

Nýjustu fréttir

- Auglýsing -