Molakaffi: Orri, Óskar, Örn, Ólafur, Arnór, Hannes

Orri Freyr Þorkelsson gekk til liðs við Elverum í sumar. Mynd/Samsett frá Elverum
  • Orri Freyr Þorkelsson skoraði eitt mark þegar lið hans Elverum vann ØIF Arendal, 34:32, í norsku úrvalsdeildinni í handknattleik í gær á heimavelli. Elverum er efst í deildinni með 10 stig eftir fimm leiki eins og Nærbø.
  • Drammen situr í fimmta sæti deildarinnar með sex stig þegar fimm leikir eru að baki. Drammen vann í gær Tønsberg Nøtterøy, 39:23, á heimavelli. Óskar Ólafsson skoraði ekki fyrir Drammen en hinn hálf íslenski Viktor Petersen Norberg skoraði fjögur mörk.  Örn Vesteinsson Östenberg var markahæstur hjá Tønsberg Nøtterøy með fjögur mörk.
  • Ólafur Andrés Guðmundsson missti af öðrum leiknum í röð með Montpellier í gær þegar liðið vann St Rapaël, 37:30, í frönsku 1. deildinni í handknattleik á heimavelli. Þetta var um leið annar sigurleikur Montpellier í vikunni sem endar með þessari markatölu því á fimmtudagskvöld lagði það THW Kilel 37:30. Ólafur Andrés tognaði lítillega í læri og leikur þar af leiðandi ekki með Montpellier þessa dagana. Liðið er í 7. sæti með 5 stig að loknum fjórum leikjum í frönsku 1. deildinni. 
  • Danska meistaraliðið Aalborg Håndbold vann öruggan sigur á Lemvig, 32:23, á heimavelli í dönsku úrvalsdeildinni í handknattleik í gær. Arnór Atlason er aðstoðarþjálfari Aalborg-liðsins sem var marki undir að loknum fyrri hálfleik, 14:13. Aron Pálmarsson lék ekki með Aalborg vegna meiðsla. Aalborg endurheimti þar með efsta sæti deildarinnar. Liðið hefur 10 stig eftir sex leiki. GOG er áfram eina taplausa lið deildarinnar og er í öðru sæti, einnig með tíu stig. GOG vann Fredericia í fyrradag, 34:29 eins og áður hefur verið greint frá á handbolta.is
  • Lærisveinar Hannesar Jóns Jónssonar í Alpla Hard unnu Ferlach, 29:23, í austurrísku 1. deildinni í gær á heimavelli. Þetta var annar sigur Hardmanna á þremur dögum. Grannliðin Alpla Hard og Bregenz eru efst í deildinni með níu stig hvort eftir fimm leiki.
- Auglýsing -

Nýjustu fréttir

- Auglýsing -